Միկրոմինիատյուրա
Միկրոմինիատյուրա (միկրոարվեստ, մանրարվեստ, միկրոքանդակագործություն, մանրաքանդակագործություն), կերպարվեստի ուղղություն, որում, որպես կանոն, աշխատանքներն ստեղծվում են մանրադիտակի ներքո։ Միկրոմինիատյուրան (միկրոարվեստը) տարածական արվեստի տեսակ է, որն սկզբնավորվել է 20-րդ դարի վերջերին։ Այս տեսակի ստեղծագործություններն ուղղված են միկրոտիեզերքի վիրտուալ իրականության ստեղծմանը. դրանք չունեն գործնական կիրառություն, այլ զուտ դեկորատիվ բնույթ են կրում, և դրանց ստեղծման ու ցուցադրման համար կիրառվում են օպտիկական սարքեր[1]։
Միկրոմինիատյուրան համարվում է կերպարվեստի տեսակ այնքանով, որքանով իրականությունը համարում է մարդկային աշխարհի կազմավորման աղբյուր։ Սակայն այստեղ նույն այդ իրականությունը դիտվում է անհատի հոգեկան աշխարհի հետ փոխազդեցության մեջ։ Ուստի արվեստի այս տեսակի համար հիմք է հանդիսանում ոչ միայն առարկայական աշխարհը, այլև մտքերի, զգացմունքների, տրամադրությունների մարմնավորումը։ Քանի որ միկրոմինիատյուրան չունի գործնական կիրառություն, ուստի այն դասվում է գեղեցիկ արվեստների շարքը և զուտ դեկորատիվ բնույթ է կրում։
Մինիատյուրիզացիան գիտա-տեխնիկական առաջընթացի հիմնական ցուցանիշներից մեկն է և հատկանշական է արդյունաբերության այնպիսի ոլորտի համար, ինչպիսին էլեկտրոնիկան է։ Միկրոսխեմաների գյուտի և ներդրման շնորհիվ էլեկտրոնային սարքավորումների միկրոէլեմենտների խտության աստիճանն աճեց հազարավոր անգամներ։
Փոքրի մեջ մեծն ու անվերջությունը տեսնելու ունակությունը մարդու մեջ դրսևորվել է ոչ միայն փիլիսոփայական, գիտական և տեխնիկական փորձում։ Դեռևս երկու հազար տարի առաջ արվեստն արդեն ընդգրկում էր մինիատյուրիզացիայի վարպետության օրինակներ։ Փոքր ձևերի կիրառությունը ոչ միայն չի խոչընդոտում մտքի փոխանցմանը, այլև ձևավորում է լրացուցիչ իմաստ՝ ուշադրությունը հրավիրելով առօրյայում մարդու համար աննկատելի փոքր դետալների միկրոտիեզերքի խորությանը։
Ներկայացուցիչներ[խմբագրել | խմբագրել կոդը]
- Վլադիմիր Ղազարյան
- Ալդունին Նիկոլայ Սերգեյի
- Անիսկին Վլադիմիր Միխայիլի[2]
- Դեուլին Յուրի Վլադիմիրի
- Էդվարդ Տեր-Ղազարյան
- Կոնենկո Անատոլի Իվանի
- Ռիկովանով Անդրեյ Լեոնիդի
- Սավիդով Նիկոլայ Վլադիմիրի
- Սիսոլյատին Ալեքսանդր Մատվեյի
- Սյադրիստի Նիկոլայ Սերգեյի
- Մասլյուկ Միխայիլ Գրիգորիի
- Դոցկովսկի Նիկոլայ Իվանի
- Ռաֆիկ Բադալյան
- Հակոբ Սանդալջյան
Տես նաև[խմբագրել | խմբագրել կոդը]
- https://ru.wikipedia.org/wiki/%D0%9E%D0%BF%D1%82%D0%B8%D1%87%D0%B5%D1%81%D0%BA%D0%B8%D0%B9_%D0%BF%D0%B8%D0%BD%D1%86%D0%B5%D1%82
- Նանոտեխնոլոգիա
Ծանոթագրություններ[խմբագրել | խմբագրել կոդը]
- ↑ «Определение из диссертации Станислава Коненко "Художественная микроминиатюра как средство построения микрокосма культуры"».
- ↑ «Маленькие экспонаты большого художника | COPAH.info». Արխիվացված է օրիգինալից 2013 թ․ ապրիլի 18-ին. Վերցված է 2013 թ․ մարտի 30-ին.