Մերիլին Մոնրոյի սպիտակ զգեստ
Ամերիկացի կինոդերասանուհի, երգչուհի և սեքս սիմվոլ Մերիլին Մոնրոն հագել էր սպիտակ զգեստ «Յոթերորդ տարվա քոր» ֆիլմում, որը նկարահանվել է 1955 թվականին ռեժիսոր Բիլի Ուայդլերի կողմից։ Զգեստը ստեղծվել էր կոստյումների դիզայներ Ուիլյամ Տրավիլայի կողմից և օգտագործվել էր ֆիլմի ամենահայտնի տեսարանում[1]։ Սպիտակ զգեստը իկոնա է համաշխարհային կինեմատոգրաֆում, իսկ Մոնրոյի կերպարը, որը կանգնած է մետրոյի ճաղավանդակի վրա քամուց ծածանվող այդ զգեստով, նկարագրվում է որպես 20-րդ դարի ամենանշանակալի կերպարներից մեկը[2]։
Պատմություն
[խմբագրել | խմբագրել կոդը]Մինչ այն, երբ կոստյումների դիզայներ Ուիլյամ Տրավիլան սկսեց համագործակցել Մերիլինի Մոնրոյի հետ, նա արժանացել էր «Օսկարի» «Կոստյումների լավագույն դիզայն» անվակարգում «Դոն Ժուանի արկածները» ֆիլմի համար։ Առաջին անգամ Տրավիլան սկսել է աշխատել Մոնրոյի հետ 1952 թվականին, երբ նկարահանվել է «Կարելի է մտնել առանց թակոցի» ֆիլմում։ Այդ ժամանակ նա 20th Century Fox-ի կոստյումների բազմաթիվ դիզայներներից մեկն էր։ Տրավիլան հագուստներ էր ստեղծել Մերիլինի ութ ֆիլմերի համար և, համաձայն իր սեփական հաստատմամբ, նրա հետ կարճատև սիրային հարաբերությունների մեջ էր գտնվում[3]։ 1955 թվականին նա երեկոյան սպիտակ զգեստ է ստեղծել Մոնրոյի համար, որը մինչև իր կյանքի վերջ մնացել է իր ամենահայտնի աշխատանքը[3]։ Սակայն, համաձայն լրագրող Դիանա Վրիլանդի փաստերի և Դեյլ Մաքոնաթիի քննադատության՝ Տրավիլան այդ զգեստի դիզայները չէր, և իրականում նա ձեռք էր բերել դա պատրաստի վիճակով։ Ինքը Տրավիլան միշտ հերքում էր այդ փաստերը[4]։
Ծանոթագրություններ
[խմբագրել | խմբագրել կոդը]- ↑ «William Travilla Biography (1920-1990)» (անգլերեն). filmreference.com. Վերցված է 2016 թ․ հուլիսի 19-ին.
- ↑ History of Fashion in America: Shmoop US History Guide. — Shmoop University Inc, 2010. — С. 21. — 110 с. — ISBN 978-1-61062-141-0
- ↑ 3,0 3,1 «"She was the easiest person I ever worked with"» (անգլերեն). Loving Marilyn. Արխիվացված է օրիգինալից 2010 թ․ դեկտեմբերի 20-ին. Վերցված է 2016 թ․ հուլիսի 19-ին.
- ↑ «William Travilla» (անգլերեն). web.archive.org. Արխիվացված է օրիգինալից 2015 թ․ մարտի 29-ին. Վերցված է 2016 թ․ հուլիսի 19-ին.