Մասնակից:Լյուցիֆեր Աստվածատրյան/Ավազարկղ 15
Տայն Դեյլի (անգլ.՝ Tyne Daly, ), թատրոնի, կինոյի և հեռուստատեսության ամերիկացի դերասանուհի։ Լայն ճանաչման է հասել «Քեգնի և Լեյսի» (1981-1988) դետեկտիվ հեռուստասերիալում Մերի Բեթ Լեյսիի և «Արդար Էմմի» հեռուստասերիալում (1999-2005) Մակսին Գրեյի դերերով:
Իր կարիերայի ընթացքում Դեյլին տասնվեց անգամ առաջադրվել է «Էմմիի» գլխավոր հեռուստատեսության մրցանակի և վեց անգամ դարձել է դրա դափնեկիր[1]։ 1999 թվականին ստացել է Tony Theatre Award և Drama Desk Award մրցանակներ, ինչպես նաև հինգ անգամ առաջադրվել է «Ոսկե գլոբուս» մրցանակի: Երկու անգամ առաջդրվել է «ԱՄՆ կինոդերասանների գիլդայի» մրցանակի: 1995 թվականին նա ստացել է իր սեփական աստղը Հոլիվուդի Փառքի ծառուղում[2]:
Կյանք և կարիերա
[խմբագրել | խմբագրել կոդը]Էլեն Թայն Դեյլին ծնվել է Վիսկոնսին նահանգի Մեդիսոն քաղաքում, դերասաններ Ջեյմս Դեյլիի և Մերի Հոուփ Նյուելի ընտանիքում[3]: Նրա կրտսեր եղբայրը՝ Թիմ Դեյլին, նույնպես դերասան է: Նա մեծացել է Նյու Յորքի Վեսթչեսթեր շրջանում և կրթություն է ստացել Բրանդիսի համալսարանում: Նա իր կարիերան սկսել է թատրոնի դերերով[3]:
Յոթանասունական թվականներին Դեյլին նկարահանվել է մի քանի ֆիլմերում, ինչպիսիք ե՝ն «Ջոնն ու Մերին» (1969), «Ազատված հրեշտակ» (1970), «Խաղացեք ինչպես գրված է» (1972), «Շնացողուհին» (1973) և «Հեռախոսը» (1977)։ Մեծ էկրանին նրա ամենահայտնի դերը եղել է 1976 թվականի Քլինթ Իսթվուդի հետ «Օրենքի պահապանը» ֆիլմում վերջինիս հերոսի զուգընկերոջ դերը[3]: Դրանից մեկ տարի անց նա «Մտերիմ անծանոթը» ֆիլմում դերի համար առաջին անգամ հաղթել է «Էմմիի» «Մինի-սերիալի կամ ֆիլմի լավագույն դերասանուհի» անվանակարգում[3]:
1981 թվականին Տայն Դեյլին ստացել է իր կարիերայի ամենահաջողակ՝ «Քեգնին և Լեյսին» հեռուստասերիալում հետախույզ Մերի Բեթ Լեյսիի դերը, որտեղ նրա խաղընկերն էր Շերոն Գլեսը։ Այդ դերի համար Դեյլին արժանացել է ռեկորդային չորս «Էմմի» մրցանակի՝ դրամատիկ հեռուստասերիալում կնոջ լավագույն դերի համար, և Մայքլ Լեռնեդի հետ միասին ռեկորդ է սահմանել անվանակարգում հաղթանակներով։ 1988 թվականին «Քեգնին ու Լեյսին» հեռուստասերիալի ավարտից հետ նա հեռուստաէկրանից տեղափոխվել է Բրոդվեյ և «Գնչուհի» ներկայացմամբ «մյուզիքլում կանացի լավագույն դերի» համար ստացել «Թոնի» մրցանակ[3]։
1991 թվականին Դեյլին միացել է Շերոն Գլեսին «Ռոզի Օ'Նիլի դատավարությունը» հեռուստասերիալի մի դրվագում: Միևնույն ժամանակ, նա հյուրընկալվել է իր եղբոր Թիմի «Թևեր» սիթքոմում, որտեղ իր արտաքին տեսքի համար հաղթել է Էմմիի հերթական անվանակարգում: Նա խաղացել է Բրոդվեյի ևս մեկ մյուզիքլում, որը ձախողվել է։ Դրանից հետո նա հեռուստատեսություն է վերադարձել միայն 1994 թվականին՝ Քելլի Մարտինի հետ «Քրիսթի» պատմական սերիալում երկրորդական դերով: Նա իր հինգերորդ Էմմին ստացել է այս սերիալում դերի համար, բայց այս անգամ «հեռուստատեսային դրամատիկական սերիալի լավագույն երկրորդ պլանի դերասանուհի» անվանակարգում[3]:
Իննսունականների կեսերին Դեյլին նկարահանվել է «Քեգնին ու Լեյսին» հեռուստասերիալի չորս եթերաշրջաններում: 1995 թվականին Դեյլին ստացել է անհատական աստղ Հոլիվուդի Փառքի ծառուղում։ Այնուհետև Վանեսա Ուիլյամսի հետ նկարահանվել է «Ցտեսություն թռչուն» մյուզիքլում: Նա շարունակում էր նկարահանվել հեռուստատեսային ֆիլմերում, իսկ 1999-2005 թվականներին նա խաղում էր Էմի Բրենեմանի մոր դերը «Արդար Էմի» հեռուստասերիալում: Յուրաքանչյուր մրցաշրջանում Դեյլին առաջադրվել է Էմմիի ևս վեց անգամ անվանակարգերում։ Մրցանակի է արժանացել 2003 թվականին[3]:
2006 թվականին Դեյլին վերադարձել է Բրոդվեյի բեմ և Սինտիա Նիքսոնի հետ մասնակցել է «Նապաստակի բույն» պիեսին: Նույն թվականին այդ ներկայացման մեջ դերի համար նա ստացել է «Թոնի» մրցանակ՝ «Լավագույն երկրորդ պլանի դերասանուհի» անվանակարգում[4]: 2011 թվականին նա խաղացել է Մարիա Կալլասի դերը Բրոդվեյի «Վարպետության դաս» ներկայացման մեջ[5]: 2012 թվականի սկզբին Տայն Դեյլին ընդգրկվել է Ամերիկյան թատրոնի փառքի սրահում[6]: 2015 թվականին Դեյլին Սալլի Ֆիլդի հետ խաղացել է «Բարև ձեզ, իմ անունը Դորիս է» ֆիլմում` խաղալով հերոսի լավագույն ընկերոջ դերը[7]: Նա խաղացել է նաև «Սարդ-մարդ։ Տունդարձ» ֆիլմում:
Ֆիլմագրություն
[խմբագրել | խմբագրել կոդը]Կինո
[խմբագրել | խմբագրել կոդը]Տարի | Անվանում | Բնօրինակ անվանում | Դեր | Նշումներ |
---|---|---|---|---|
1969 | Ջոնն ու Մերին | John and Mary | Հիլարի | |
1970 | Ազատված հրեշտակը | Angel Unchained | Մերիլի | |
1972 | Խաղացեք ինչպես գրված է | Play It as It Lays | Լրագրողուհի | |
1973 | Շնացողուհին | The Adulteress | Ինեզ Սթայներ | |
1976 | Օրենքի պահապան | The Enforcer | Քեյթ Մուռ | |
1977 | — | Speedtrap | Նիֆթի Նոլան | |
Հեռախոս | Telefon | Դորոտի Փաթերման | ||
1981 | «Զուտ» ոճի հանդերձանք | Zoot Suit | Էլիս Բուլումֆիլդ | |
1985 | Ավիատոր | The Aviator | Էվելին Սթիլեր | |
Մղողներ և խաբեբաներ | Movers & Shakers | Նենսի Դերման | ||
1997 | Սերը չար է | The Lay of the Land | բժիշկ Գուտմահեր | |
1999 | Աշնանային սիրտ | The Autumn Heart | Աննա | |
2000 | Կապիկների նախնիները | The Simian Line | Արնիտա | |
Էդեմից մի կտոր | A Piece of Eden | Աուրելյա | ||
2015 | Բարև ձեզ, իմ անունը Դորիս է | Hello, My Name Is Doris | Ռոզ | |
2017 | Սարդ-մարդ։ Տունդարձ | Spider-Man: Homecoming | Աննա Մարի Հյոգ | |
Արևելյան Հեքիաթ | Basmati Blues | Էվելին | ||
2018 | Բաստեր Սքրագսի բալլադը | The Ballad of Buster Scruggs | Լեդի | The Mortal Remains նովել |
— | A Bread Factory, Part One | Դորոթեա | ||
— | A Bread Factory, Part Two |
Ծանոթագրություններ
[խմբագրել | խմբագրել կոդը]- ↑ «Primetime Emmy Award Database (Awards)». Academy of Television Arts and Sciences. Արխիվացված է օրիգինալից 2012-10-26-ին. Վերցված է 2010-03-19-ին.
- ↑ «Awards for Tyne Daly». Internet Movie Database. Արխիվացված է օրիգինալից 2013-06-15-ին. Վերցված է 2013-06-15-ին.
- ↑ 3,0 3,1 3,2 3,3 3,4 3,5 3,6 «Tyne Daly- Biography». Yahoo!. Արխիվացված է օրիգինալից 2013-06-15-ին. Վերցված է 2013-06-15-ին.
- ↑ «Tyne Daly». Internet Broadway Database. Արխիվացված է օրիգինալից 2013-06-15-ին. Վերցված է 2013-06-15-ին.
- ↑ David Rooney (2011-07-07). «Master Class: Theater Review». The Hollywood Reporter. Արխիվացված է օրիգինալից 2013-06-15-ին. Վերցված է 2013-06-15-ին.
- ↑ Andrew Gans (2012-01-20). «Tyne Daly, Ben Vereen, Ann Roth, Daniel Sullivan and More Inducted Into Theater Hall of Fame Jan. 30». Playbill. Արխիվացված է օրիգինալից 2013-06-15-ին. Վերցված է 2013-06-15-ին.
- ↑ Joe Leydon (14 марта 2015). «SXSW Film Review: 'Hello, My Name Is Doris'». Variety. Վերցված է 2015-03-21-ին.