Մասիս Սարգսյան
- Վիքիպեդիայում կան հոդվածներ Սարգսյան ազգանունով այլ մարդկանց մասին։
Մասիս Սարգսյան | |
---|---|
Ծնվել է | օգոստոսի 2, 1949 (74 տարեկան) |
Ծննդավայր | Ճամբարակ, Հայկական ԽՍՀ, ԽՍՀՄ |
Քաղաքացիություն | Հայկական ԽՍՀ և Հայաստան |
Կրթություն | Երևանի պետական համալսարան |
Մասնագիտություն | կենսաբան |
Մասիս Աղասարի Սարգսյան (օգոստոսի 2, 1949, Ճամբարակ, Հայկական ԽՍՀ, ԽՍՀՄ), հայ կենսաբան, կենսաբանական գիտությունների դոկտոր (1999)։
Կենսագրություն[խմբագրել | խմբագրել կոդը]
Մասիս Սարգսյանը ծնվել է 1949 թվականի օգոստոսի 2-ին Վերին Ճամբարակ գյուղում (ներկայում՝ Հայաստանի Գեղարքունիքի մարզում)։ 1973 թվականին ավարտել է Երևանի պետական համալսարանը։ 1984 թվականին սկսել է աշխատել Հայաստանի գյուղատնտեսության նախարարության Երկրագործության և բույսերի պաշտպանության գիտահետազոտական ինստիտուտի (այժմ՝ գիտական կենտրոն) անտառի պաշտպանության լաբորատորիայում․ 1998 թվականին դարձել է վարիչ։
Աշխատանքները վերաբերում են Հայաստանում գյուղատնտեսական մշակաբույսերի և անտառային գլխավոր վնասատուների դեմ բակտերիային պատրաստուկների կիրառման կենսաէկոլոգիական խնդիրներին։ Ստեղծել է հինգ բակտերիային պատրաստուկներ և քիմիական իմունաընկճողների ենթամահացու կոնցենտրացիաերի զուգակցմամբ բարձրացրել դրանց արդյունավետությունը։
Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ |