Մախի թիվ

M (Մախի տառ)

Մախի թիվ, Μ-թիվ, գազի, հոսանքի հիմնական բնութագրիչ։ Հավասար է գազի հոսանքի V արագության և հոսքի նույն կետում ձայնի տարածման a արագության հարաբերությանը՝ M=V/a։ Գազում а մարմնի շարժման դեպքում Մախի թիվը հավասար է մարմնի արագության և այդ միջավայրում ձայնի տարածման արագության հարաբերությանը։ Գազում а մարմնի շարժման դեպքում Մախի թիվը հավասար է մարմնի արագության և այդ միջավայրում ձայնի տարածման արագության հարաբերությանը։ Կոչվել է Մախի անունով։ Մախի թիվը նաև աերոդինամիկական նմանության հիմնական հայտանիշներից է այն դեպքերում, երբ գազի սեղմելիությունը չի կարելի անտեսել։ Օդում սեղմելիությունն անհրաժեշտ է հաշվի առնել v»100 մ/վ արագությունների դեպքում, որոնց համապատասխանում է Μ »0,3 թիվը։ Երբ Μ«1, հոսանքը կոչվում է մինչձայնային, М=1 դեպքում՝ ձայնային, Μ» 1 դեպքում՝ գերձայնային։ Գերձայնային հոսանքի հիմնական առանձնահատկություններից է հարվածային ալիքի առաջացումը՝ մարմինների շրջահոսքի կամ գազի հոսքի արգելակման դեպքում։ էներգիայի դիսիպացիայի հետևանքով հարվածային ալիքում առաջանում է ալիքային դիմադրություն, որն աճում է Մախի թվի մեծացման հետ։ Հոսանքի տիրույթները, որոնց համար Μ»5 (հիպերձայնային հոսանք), օժտված են մի շարք առանձնահատկություններով, մասնավորապես, էական են դառնում հարվածային ալիքում սեղմվող գազի ֆիզիկաքիմիական փոխակերպումները։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 165)։