Հույս (անձնանուն)
Անվան այլ կիրառումների համար տե՛ս՝ Հույս (այլ կիրառումներ)
| Հույս Հույս | |
|---|---|
| Տեսակ | արական անձնանուն |
| Սեռ | արական |
| Նշանակություն | հույս |
| Ծագում | |
| Ծագման լեզու | հայերեն |
| Գիր | Հայոց գրեր |
| Կապված հոդվածներ | «Հույս» սկսվող էջեր |
Հույս, հայկական արական անուն։ Առաջացել է հայերեն հույս բառից։ Այս անվանը համապատասխանում են հունական Ελπίς և ռուսական Надежда անձնանունները, որոնք երկուսն էլ իգական են[1]։
Գործածություններ
[խմբագրել | խմբագրել կոդը]- Հույս, որդի Արամ հայկազն նահապետի, ով, ըստ Չամչյանի, իշխել է մ․ թ․ ա․ 1827-1769 թվականներին։
- Հույս եպիսկոպոս Գողթան, ժամանակակից Ներսես Բ կաթողիկոսի (548-557), ում հետ, ինչպես և բազմաթիվ կրոնավորների և իշխանների հետ ստորագրում է նեստորականների դեմ գրված միաբանական ուխտին[2]։
- Հույս եպիսկոպոս Կամսարական տան, հաջորդ Մովսեսի (597-598)[3][4][5]։
- Հույս, հիշատակված է որպես գրիչ մի Ավետարանի՝ 14-րդ դարից[6]։
- Հուիս, ոմն մեկն այս անվամբ հիշատակված է 18-րդ դարում[7]։