Հովհաննես Ավոյան

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Հովհաննես Բագրատի Ավոյան
Ծնվել է1903
ԾննդավայրԷջմիածին
ՔաղաքացիությունՀայկական Խորհրդային Սոցիալիստական Հանրապետություն Հայկական ԽՍՀ
Ազգությունհայ
ԿրթությունԵրևանի բժշկական ինստիտուտ
Մասնագիտությունբժիշկ

Հովհաննես Բագրատի Ավոյան (1903, Էջմիածին -), հայ բժիշկ, մանկավարժ, Հայրենական մեծ պատերազմի մասնակից:

Կենսագրություն[խմբագրել | խմբագրել կոդը]

Միջնակարգ կրթությունն ստացել է ծննդավայրում: 1924-1931 թվականներին եղել է ուսուցիչ, ապա դպրոցի տնօրեն շրջանի մի քանի գյուղերում։ 1936 թվականին ավարտել է Երևանի բժշկական ինստիտուտը: Եղել է ենթաշրջանի բուժտեղամասի վարիչ Ազիզբեկովի շրջանում (1936-1938), գլխավոր բժիշկ՝ Սևանի հիվանդանոցում (1938-1939), օրդինատոր՝ Երևանի մանկաբարձագինեկոլոգիական ինստիտուտում (1939-1941

1941 թվականի հունիսին զորակոչվել է բանակ, նշանակվել էվակուհոսպիտալի վիրաբույժ-օրդինատոր, մի քանի ամիս հետո տեղափոխվել է մի այլ էվակուհոսպիտալ: 1942 թվականին մեկնել է գործող բանակ: Ծառայել է 151-րդ դիվիզիայի № 228 բուժսանգումարտակում որպես վիրաբույժ (4-րդ Ուկրաինական ռազմաճակատ): 1944 թվականի սեպտեմբերին հիվանդացել է, ուղարկվել Երևանի կայազորային հոսպիտալ՝ բուժվելու: Զորացրվել է (1946) և կրկին աշխատանքի ընդունվել Երևանի մանկաբարձագինեկոլոգիական ինստիտուտում: 1947 թվականին նշանակվել է Երևանի 4-րդ ծննդատան գլխավոր բժիշկ և աշխատել մինչև 1956 թվականը: Այնուհետև եղել է կանանց կոնսուլտացիայի վարիչ (1957-1960), 5-րդ ծննդատան բաժնի վարիչ (1965-1980):

Հովհաննես Ավոյանը վաստակավոր բժիշկ է, առողջապահության գերազանցիկ, շքանշանների ու մեդալների ասպետ[1]:

Ծանոթագրություններ[խմբագրել | խմբագրել կոդը]

  1. Ա. Վ. Գրիգորյան, Բ. Գ. Մելքումյան, Հայաստանի բժիշկները Մեծ հայրենականում, գիրք 2, Ե., 1987, էջ 42-43: