Հմայակ Տեր-Մանվելյան
Ազգություն | հայ |
---|---|
Մասնագիտություն | դեղագործ |
Հմայակ Տեր-Մանվելյան, հայ դեղագործ։
Կենսագրություն[խմբագրել | խմբագրել կոդը]
Դեղագործական կրթություն է ունեցել և դեղագործ աշխատել։
1915 թվականի ապրիլի 21-ին՝ երեքշաբթի երեկոյան, Խարբերդի նահանգի Դերսիմի գավառի Չմշկածագ ավանի շուկայում թուրք ոստիկանները կատարել են առաջին ձերբակալությունները՝ կառավարչին այցելելու խաբեությամբ։ Կառավարչատուն (սերայ) են գնացել 9 հոգի, որոնց թվում՝ Հմայակը։ Նրանց բոլորին ձերբակալել են ու բանտարկել։ Դրանից հետո էլի շատերին են ձերբակալել։ Սակայն Հմայակին որոշ ժամանակ անց ազատ են արձակել, քանի որ նրա համար միջնորդել է մի հանրածանոթ թուրք, որի համար նա ժամանակին դեղ էր պատրաստել։ Իսկ մյուսները գնացին ու այլևս չվերադարձան… Նրանց սկզբում բանտարկել են կառավարչության շենքում, ապա՝ տեղափոխել Վերին թաղի Ալի բեյի և Օսման աղայի տների տակ և օրուգիշեր դաժանորեն ծեծելով ու կտտանքների ենթարկելով՝ սպանել։
Գրականություն[խմբագրել | խմբագրել կոդը]
- Ղազարեան Հ., Պատմագիրք Չմշկածագի, Պէյրութ, 1971։
Աղբյուր[խմբագրել | խմբագրել կոդը]
Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։