Հիդրոքիմիա

Վիքիպեդիայից՝ ազատ հանրագիտարանից
Jump to navigation Jump to search

Հիդրոքիմիա (հիդրո...)» քիմիա, գիտություն բնական ջրերի քիմիական բաղադրության և շրջապատող միջավայրում ընթացող քիմիական, ֆիզիկական ու կենսաբանական պրոցեսների պատճառով դրանց փոփոխության օրինաչափությունների մասին։ Հիդրոքիմիա երկրաքիմիայի և ջրաբանության մասն է։ Զբաղվում է ծովի, մակերևութային և ստորգետնյա ջրերի քիմիական առանձնահատկությունների ուսումնասիրմամբ։ Սերտորեն առնչվում է քարագիտության, հանքաբանության, հողագիտության, ջրաերկրաբանության, ջրակենսաբանության ու հարակից այլ գիտությունների հետ և նպաստում դրանց զարգացմանը։ Բնական ջրի քիմիական բաղադրության իմացությունն անհրաժեշտ Է ջրամատակարարման, ոռոգման, ձկնատնտեսության, ինչպես նաև շինանյութերի (բետոն, մետաղներ) կոռոզիայի գնահատման, հանքային ջրերի բնութագրման, օգտակար հանածոների (նավթ, ռադիոակտիվ նյութեր և այլն) հայտնաբերման համար։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 401 CC-BY-SA-icon-80x15.png