Հիդրոկորտիզոն

Վիքիպեդիայից՝ ազատ հանրագիտարանից

Հիդրոկորտիզոն, 17-oքսիկորտիկոստերոն, կորտիզոլ, գլյուկոկորտիկոիդ հորմոն, որն առաջանում է մակերիկամների կեղևում և կարգավորում առավելապես ածխաջրային փոխանակությունը։ Մարդու մակերիկամներն արտազատում են օրական 5-30 մգ հիդրոկորտիզոն։ Օրգանիզմի լարված վիճակների դեպքում և ադրենոկորտիկոտրոպ հորմոնի ներարկումից հիդրոկորտիզոնի առաջացումը կարող է ավելանալ 5 անգամ։ Բժշկական պրակտիկայում հիդրոկորտիզոնն օգտագործում են որպես հորմոնային պատրաստուկ, որն օժտված է հակաբորբոքային և հակաալերգիական հատկությամբ։ Հիդրոկորտիզոնը և հիդրոկորտիզոն-ացետատը՝ սուսպենզիայի ձևով նշանակում են ռևմատիզմի, բրոնխային հեղձուկի, լեյկեմիայի, ներզատիչ գեղձերի և այլ հիվանդությունների, հաճախ էլ (քսուքի ձևով) էկզեմայի, նեյրոդերմիտի և աչքի հիվանդությունների բուժման համար։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 397 CC-BY-SA-icon-80x15.png