Հացավան

Հացավան
Գյուղ
	Հացավան
Երկիր	Հայաստան
Մարզ	Սյունիքի
Գյուղապետ	Շուշան Մարգարյան
Մակերես	8,03 կմ²
ԲԾՄ	1730 մ
Պաշտոնական լեզու	Հայերեն
Բնակչություն	280 մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	Հացավանցի
Ժամային գոտի	UTC+4
	Հացավան (Հայաստան)
	Հացավան (Հայաստան)

Հացավան (նախկին անվանումը՝ Սիսիան), գյուղ Հայաստանի Սյունիքի մարզի Սիսիանի տարածաշրջանում, Սիսիան քաղաքից մոտ 7 կմ հարավ-արևմուտք։ Գյուղը գտնվում է Որոտանի ավազանի Զոհաջուր գետի ձախ ափին, մարզկենտրոնից 112 կմ հյուսիս–արևմուտք, ծովի մակերևույթից 1775 մետր բարձրության վրա։

Նախկինում Սիսիան անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում^[1]։ Խորհրդային տարիներին մասն է կազմել Հայկական ԽՍՀ Զանգեզուրի գավառի, իսկ 1930 թվականից՝ Սիսիանի շրջանի։ Վերանվանվել է Հացավան 1940 թ. մարտի 2-ին^[2]։ 1995 թվականից մտնում է Հայաստանի Սյունիքի մարզի մեջ։

Բնակչությունը զբաղվում է հացահատիկի, կերային կուլտուրաների, ծխախոտի մշակությամբ և անասնապահությամբ։ Այստեղ պահպանվել են «Սիրունքար» գյուղատեղին, հին կամուրջը, «Բերդ» գյուղի ավերակները։ Հացավանի շրջակայքում են գտնվում Վասակաբերդ կոչվող ամրոցի ավերակները, ինչպես նաև հին գերեզմանոց։

Բնակչություն[խմբագրել | խմբագրել կոդը]

Ըստ Հայաստանի 2011 թ. մարդահամարի արդյունքների՝ Հացավանի մշտական բնակչությունը կազմել է 253, առկա բնակչությունը՝ 185 մարդ^[3]։ Մինչև 1918 թ. գյուղը բնակեցված է եղել ադրբեջանցիներով, այնուհետ՝ հայերով^[4]^[2]։ Հացավանի բնակչության փոփոխությունը ժամանակի ընթացքում՝ ստորև.

Տարի	Բնակչություն
1831	34 մարդ	^[5]
1873	439 մարդ	^[6]
1897	795 մարդ	^[5]
1926	201 մարդ	^[5]
1939	336 մարդ	^[5]
1959	341 մարդ	^[5]
1970	368 մարդ	^[5]
1979	262 մարդ	^[5]
1989	291 մարդ	^[7]
2001	262 մարդ	^[5]
2011	253 մարդ	^[8]