Հանդիսավոր արարողությունների պալատ (Նովոչերկասկ)
Տեսակ | շենք և ճարտարապետական հուշարձան |
---|---|
Երկիր | Ռուսաստան |
Տեղագրություն | Նովոչերկասկ |
Ճարտարապետական ոճ | բարոկկո, Վերածնունդ և կլասիցիզմ |
Հիմնադրված է | 1880 |
Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ[1] |
Հանդիսավոր արարողությունների պալատ (ռուս.՝ Дворец торжественных обрядов, մինչև 1964 թվականը` Երջանկություն տուն, ռուս.՝ Дом счастья), երկհարկանի առանձնատուն Ռուսաստանի Դաշնության Ռոստովի մարզի Նովոչերկասկ քաղաքում։ Հասցեն` Մոսկովսկայա փողոց, 47։
Պատմություն[խմբագրել | խմբագրել կոդը]
Այս մասնավոր առանձնատունը կառուցվել է XIX դարի երրորդ քառորդում և պատկանել է վաճառական Կիրյունինին։ Շենքի ճակատը զարդարված է բազմաթիվ ծեփվածքներով։ Շենքի գեղարվեստական նկարագիրը ստեղծում են բարոկկոյի, Վերածննդի, կլասիցիզմի և մավրիտանյան ճարտարապետության տարրերը։ Կենտրոնական մուտքի ձախ կողմում դարպասի կամարն է, որի վերևում տեղադրված է երկու առյուծ։ Վարկած կա, որ նախկինում շենքում գործել է հասարակաց տուն։ Այս վարկածն իր «Նովոչերկասկ» պատմվածքում հաստատում է Նովոչերկասկում ծնված խորհրդային գրող Գենադի Սեմենիխինը։ Հենց այդ պատճառով էլ, ըստ ամենայնի, դարպասի երկու կողմերում գտնվում են ֆալլուսապաշտական արվեստի տարրեր` երկու անվազատիչներ։ Նախկինում այստեղ ժամանող սպաները դրանց էին կապում իրենց ձիերը[2]։
Շենքը բավականաչափ լավ է պահպանվել։ Ճակատի մասնակի վերակառուցումն իրականացվել է 1990 թվականին։ Թեև փաստաթղթերում «Երջանկության տուն» անվանումը դադարել են նշելուց 1964 թվականից, այն շարունակում էր օգտագործվել մինչև շենքի վերակառուցումը։ Այժմ շենքում գործում է Քաղաքացիական կացության ակտերի գրանցման գործակալությունը (ՔԿԱԳ-ը)[3]։
Ծանոթագրություններ[խմբագրել | խմբագրել կոդը]
- ↑ Решение Малого совета Ростовского областного совета народных депутатов № 325 от 17.12.1992
- ↑ Кукушин В. С. История архитектуры Нижнего Дона и Приазовья — Ростов-на-Дону, ГинГо, 1996
- ↑ Дворец торжественных обрядов, ЗАГС Новочеркасска