Հայկական հուշարձան Ասսենում

Վիքիպեդիայից՝ ազատ հանրագիտարանից
Jump to navigation Jump to search

Կոորդինատներ: 52°58′27″ հս․. լ. 6°32′37″ ավ. ե. / 52.974189° հս․. լ. 6.543579° ավ. ե. / 52.974189; 6.543579

Հուշարձանը Ասսենի «Դը Բոսքամփ» գերեզմանատանը

Հայկական հուշարձան Ասսենում, Հայոց ցեղասպանության հիշատակին նվիրված հուշարձան Նիդերլանդների Ասսեն քաղաքի «Դը Բոսքամփ» գերեզմանատանը։ Բացվել է 2001 թ.:

Նկարագրություն[խմբագրել | խմբագրել կոդը]

Խաչքարն ունի 2 մետր բարձրություն և պատրաստված է տուֆից: Կենտրոնում գտնվում է ծաղկազարդ խաչը, իսկ վերևում՝ Քրիստոսի և երկու հրեշտակների խորաքանդակներ։ Դիմացի սեղանին գրված է «Ի հիշատակ 1910-1920 թթ. մեր նախնիների» (հոլ.՝ TER HERINNERING VAN ONZE ARMEENSE VOOROUDERS UIT DE PERIODE 1910-1920

Թուրքական բողոքներ[խմբագրել | խմբագրել կոդը]

1999 թ. Ասսենի բնակիչ Նիկոլայի Ռոմաշուկը համայնքապետարանից թույլտվություն է ստանում հուշարձան բացելու համար։ Այս որոշման դեմ բողոքում են թուրքական համայնքը և թուրք հյուպատոսը։ Նիդերլանդներում գտնվող տարբեր թուրքական կազմակերպություններ կազմակերպում են բողոքի ցույցեր, իսկ Ասսենի համայնքապետարանը ստանում էր մասսայական նամակ-բողոքներ, մինչև ի վերջո վերջինս փոխեց իր էլ-փոստի հասցեն[1]։

2001 թ. մարտին Ասսենում գտնվող «Իսլամական մշակույթի միությունը» դատական գործ է սկսում Ասսենի համայնքապետարանի դեմ։ Դատարանը հայտարարեց, որ «Իսլամական մշակույթի միությունը» չի կարող հանդես գալ շահագրգիռ կողմ և նրանց հայցը համարեց ոչ ընդունելի։ Թուրքական կազմակերպությունը այնուհետև դիմեց Նիդերլանդների Պետական Խորհրդին, սակայն վերջինս նույնպես 2002 թ. օգոստոսին պահանջը համարեց ոչ ընդունելի։

Բացումը[խմբագրել | խմբագրել կոդը]

Չնայած դատական գործերին, հուշարձանի բացումը տեղի ունեցավ 2001 թ. ապրիլի 24-ին[2]։ Ներկա էին Ֆրանսիայի հայկական առաքելական եկեղեցու թեմի առաջնորդը և 400 հայեր։

Հուշարձանի մոտ ամեն տարի ապրիլի 24-ին տեղի են ունենում հիշատակի միջոցառումներ, որոնց մասնակցում են նաև հոլանդացի քաղաքական և հասարակական գործիչներ։

Ծանոթագրություններ[խմբագրել | խմբագրել կոդը]

  1. (Հոլանդերեն) Nieuwsblad van het Noorden, Ասսենը փոխում է էլ. հասցեն՝ թուրքերի «ռմբակոծությունց» հետո (Assen verandert e-mailadres na 'bombardement' Turken), օգոստոսի 18, 2000 թ.:
  2. (Հոլանդերեն) Nieuwsblad van het Noorden, Մեծ օր հայերի համար, սև օր թուրքերի համար (Grote dag voor Armeniërs, zwarte dag voor Turken), ապրիլի 24, 2001 թ.: