Համախառն արտադրանք, վիճակագրական ցուցանիշ, բնութագրում է որևէ երկրի տնտեսության, դրա ճյուղերի և ձեռնարկությունների արտադրանքի ծավալը դրամական արտահայտությամբ։ Ստեղծվելով որոշակի ժամանակահատվածում (ամիս, եռամսյակ, տարի)՝ այն ցույց է տալիս նյութական արտադրության ոլորտում կենդանի և առարկայացած աշխատանքային ծախսումների ծավալը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 90)։
