Հաջորդական միացում

Հաջորդական միացումը էլեկտրատեխնիկայում իրականացվում է երկու եղանակով․

Երկբևեռների միացում, երբ նրանց միջով անցնում է նույն հոսանքը։ Էլեկտրաէներգիայի աղբյուրների հաջորդական միացումը կիրառվում է մեկ աղբյուրի էլշուից մեծ լարում ստանալու համար։ Բեռնվածքների հաջորդական միացման դեպքում լարումը նրանց վրա բաշխվում է դիմադրություններին համեմատական։ Մեկ տարրի անջատումը ընդհատում է ամբողջ շղթայի հոսանքը։
Քառաբևեռների միացում, երբ լարումն ու հոսանքի ուժը նախորդ քառաբևեռի ելքում համապատասխանաբար հավասար են հաջորդի մուտքի լարմանն ու հոսանքի ուժին։

Հոսանքի ուժի, լարման, դիմադրության հաշվարկը

Հաջորդական միացման դեպքում սպառիչները շղթայի մեջ են մտնում հերթականորեն՝ մեկը մյուսից հետո, առանց միմյանց միջև հաղորդալարերի ճյուղավորումների։ $I_{1},U_{1}$ և $R_{1}$ տառերով նշանակենք շղթայի առաջին տեղամասի հոսանքի ուժը, լարումը և դիմադրությունը, իսկ $I_{2}$ , $U_{2}$ , $R_{2}$ -ով՝ շղթայի երկրորդ տեղամասի հոսանքի ուժը, լարումը և դիմադրությունը։ Երկու տեղամասերի ընդհանուր դիմադրությունը նշանակենք $R$ -ով, ընդհանուր լարումը նրանցում $U$ -ով, իսկ ընդհանուր հոսանքի ուժը, որը համընկնում է աղբյուրի ներսի հոսանքի ուժին, $I$ -ով։ Այս դեպքում հոսանքի ուժի, լարման և դիմադրության ընդհանուր արժեքների կապը շղթայի առանձին տեղամասերի նրանց արժեքների հետ կարող է արտահայտվել հետևյալ առնչություններով.

I=I_{1}=I_{2}

,

U=U_{1}+U_{2}

,

R=R_{1}+R_{2}

։

Այս արժեքները շղթայում կարելի է չափել ամպերմետրով ու վոլտմետրով։

Այսպիսով, հաղորդիչների հաջորդական միացման դեպքում հոսանքի ուժն ամենուրեք միևնույնն է, լարումը շղթայում հավասար է առանձին տեղամասերի լարումների գումարին, իսկ ընդհանուր դիմադրությունը՝ առանձին հաղորդիչների դիմադրությունների գումարին։

Տես նաև

Զուգահեռ միացում

Աղբյուրներ

Ֆիզիկա 9-րդ դասարանի դասագիրք, հեղ. Ս. Վ. Գրոմով, Ն. Ա. Ռոդինա

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 243)։