Կտցար կաչաղակներ

Վիքիպեդիայից՝ ազատ հանրագիտարանից
Jump to navigation Jump to search
Haematopus ostralegus He.jpg

Կտցար կաչաղակներ (լատ.՝ HaematO-podidae), քարադրանմանների կարգի թռչունների ընտանիք։ Տեսակների ընդհանուր թիվն անհայտ է։

Արտաքին կառուցվածք[խմբագրել | խմբագրել կոդը]

Ունեն կարճ (բզանման կամ բավականին հաստ) կամ երկար (ուղիղ կամ կեռված) կտուց։ Մարմնի երկարությունը 40-45 սմ է, թևերի բացվածքը՝ 86-88 սմ, կենդանի զանգվածը՝ 500 գ։ Կտուցը հաստ է ու երկար։ Թռչելիս աչքի է ընկնում սև ու սպիտակ նախշը։ Հասունի կտուցը կարմրանարնջագույն է, աչքերը՝ կարմրավուն, ոտքերը՝ վարդագույն։ Բնադրման շրջանում սև հատվածները փայլուն են։ Հետբնադրման շրջանում փետրածածկի սևն ավելի խամրած է, կիսաօձիքը՝ սպիտակ։ Երիտասարդները հասուններից ավելի դարչնագույն են, ոտքերն ու կտուցը՝ մոխրավուն։

Կենսակերպ[խմբագրել | խմբագրել կոդը]

Առափնյա թռչուններ են։ Հանդիպում են հիմնականում առանձին անհատներով։ Խուսափում են միանալ այլ թռչունների երամներին։ ՀՀ-ում հանդիպում է 1 տեսակ՝ կտցար կաչաղակը (լատ.՝ Haematopus ostralegus)։ ՀՀ-ում գրանցվել է միայն գարնանային չուի (մարտի 2-րդ տասնօրյակից մայիսի 1-ին կեսը) ընթացքում։ Բնակվում է ձկնաբուծական լճակների, գետերի ափերին։

Սննդառություն[խմբագրել | խմբագրել կոդը]

Սնվում է փափկամարմիններով, որոնց որսում է՝ տիղմը քրքրելով։ Թռիչքն ուղղաձիգ է, հավասարաչափ։ Զգույշ է, սակայն կերով տարված ժամանակ հաճախ անտեսում է վտանգը։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png