Կոճղակաղապար

Կոճղակապար

Կոճղակաղապար, մետաղե կաղապար՝ հալված մետաղով լցնելու և դրան ձուլուկի տեսք տալու համար։ Ըստ կոնստրուկցիայի լինում է խուլ հատակով և միջանցիկ, ըստ մետաղի լցման՝ վերևից և ներքևից լցվող (սիֆոնային լցում)։

Արդյունաբերության մեջ առավել տարածված են պողպատի լցման թուջե ուղղաձիգ կոճղակաղապարները։ Կռվածքների համար նախատեսված ձուլուկների կոճղակաղապարները տեղավորում են 100 տոնա և ավելի պողպատ, գլոցման նպատակով օգտագործվող պողպատի կոճղակաղապարները նախատեսված են 100 կգ-ից մինչև 20 տոնա զանգվածով ձուլուկների համար։ Ձուլուկներում կծկվածքային փթուկները փոքրացնելու նպատակով կոճղակաղապարները պատրաստում են տաքացնող վրադիրներով։

Վիքիպահեստն ունի նյութեր, որոնք վերաբերում են «Կոճղակաղապար» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 531)։