Կարպիս Թյուլպենտճյան
 | |
|---|---|
| Ծնվել է | 1894 |
| Ծննդավայր | Բաբերդ, Թուրքիա |
| Մահացել է | 1927 |
| Մահվան վայր | Մարսել |
| Կրթություն | Կարին քաղաքի Կարմիր վանուց ժառանգավորաց վարժարան Կեդրոնական, նաև Էսայան վարժարան Կ. Պոլսի Օսմանյան կայսերական բժշկական համալսարանի դեղագործական բաժին |
| Մասնագիտություն | բժիշկ |
| Աշխատավայր | Բերա թաղամասի դեղագործ |
| Կուսակցություն | ՀՅԴ |
Կարպիս Թյուլպենտճյան (1894, Բաբերդ, Թուրքիա - 1927, Մարսել), հայ բժիշկ։
Կենսագրություն
[խմբագրել | խմբագրել կոդը]Կարպիս Թյուլպենտճյանը ծնվել է 1894 թվականին, Էրզրումի նահանգի Բաբերդի գավառի կենտրոն Բաբերդ քաղաքում։ 1896 թվականի ջարդի ժամանակ կորցրել է ծնողներին։ 1903-1906 թվականներին սովորել է Կարին քաղաքի Կարմիր վանուց ժառանգավորաց վարժարանում։
1906 թվականին փոխադրվել է Կ. Պոլիս և սովորել Կեդրոնական, ապա Էսայան վարժարաններում։
Ուսանել է Կ. Պոլսի Օսմանյան կայսերական բժշկական համալսարանի դեղագործական բաժնում։ Նյութական պայմանների պատճառով ուսումը թողել է թերավարտ։ Կ. Պոլսի Բերա թաղամասում դեղագործ է աշխատել։ Եղել է ՀՅԴ անդամ։
1914 թվականին դաշնակցական լինելու պատճառով, ենթարկվել է թուրքական ոստիկանության հետապնդումներին։ Սկզբում թաքնվել է ոստիկանությունից, ապա գործել է կեղծանունով։
1914 թվականին, Առաջին աշխարհամարտի ժամանակ զորակոչվել է օսմանյան բանակ և Մաքրիգյուղում (Բաքըրքեոյ) զինվորական դեղագործ ծառայել։
1918 թվականին, պատերազմն ավարտվելուց հետո իր հորեղբորորդի Ա. Բաբերդյանի և Պ. Եմենիճյանի հետ լծվել է որբահավաքության ազգանվեր, սակայն հույժ վտանգավոր գործին, որ վարում էր Ա. Չագըրյանը։
1922 թվականի վերջերին Կ. Պոլսից անցել է Ֆրանսիա, որտեղ դեղագործ է աշխատել։ Քայքայված առողջությունը վերականգնելու և կազդուրվելու նպատակով որոշ ժամանակ ապրել է Կիպրոսում։
Մահացել է 1927 թվականի փետրվարի 23-ին, Մարսելում՝ 33 տարեկանում։
Գրականություն
[խմբագրել | խմբագրել կոդը]Թէոդիկ, Ամէնուն տարեցոյցը, 1928, Փարիզ, 1929։
Աղբյուրներ
[խմբագրել | խմբագրել կոդը]- Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։