Կավալեր քինգ չարլզ սպանիել

Վիքիպեդիայից՝ ազատ հանրագիտարանից
Jump to navigation Jump to search
Կավալեր քինգ չարլզ սպանիել
CavalierKgChas2 wb.jpg
Տեսակշան ցեղատեսակ
ԲնաշխարհFlag of the United Kingdom.svg Միացյալ Թագավորություն
Առանձնահատկություններ
Դասակարգում և տեսականմուշ
Շուն (Canis lupus familiaris)

Կավալեր քինգ չարլզ սպանիել (անգլ.՝ Cavalier King Charles Spaniel), շան ցեղատեսակ, փոքր սպանիել: Ինչպես բոլոր սպանիելները, այնպես էլ այս մեկը համարվում է տնային կենդանի:

Ցեղի պատմություն[խմբագրել | խմբագրել կոդը]

Կավալերի ծագումը կապված է թոյ սպանիելի մեկ այլ տեսակի՝ քինգ չարլզ սպանիելի ծագման հետ, իսկ որպես ինքնուրույն ցեղատեսակ ճանաչվել է միայն 20-րդ դարում:

Հնարավոր է, որ Ասիայում տարածված սպանիել ցեղատեսակի փոքրիկ շները, ինչպես ճապոնական խիները և տիբեթյան սպանիելները, բերվել են մայրցամաքային Եվրոպա և հանգեցրել եվրոպական սպանիելների բազմատեսակությանը: Փոքրիկ սպանիելները արդեն 15-16-րդ դարերում պատկերվել են եվրոպացի՝ իտալացի, գերմանացի, ֆրանսիացի, հոլանդացի, իսպանացի նկարիչների կտավներում: Այս տեսակի սպանիելները մեծ պահանջարկ են ունեցել թագավորական պալատներում և Եվրոպայի հարուստ տներում: Ենթադրվում էր, որ նրանք կարող են թեթևացնել ցավն ու լարվածությունը: Անգլիական սպանիելները մեծ տարածում են ստացել հատկապես Ստյուարտների դինաստիայի օրոք: Անգլիայի թագավոր Չարլզ II-ին միշտ ուղեկցել են մի քանի փոքրիկ սպանիելներ և հենց նրա անունով էլ կոչվել են այս տեսակի սպանիելները: Սկսած Վիլհեմ III Օրանացուց, որը սիրում էր մոպս տեսակի շներ, քինգ չարլզ սպանիելները կորցրել են իրենց ժողովրդականությունը արքունիքում, իսկ սպանիելների տեսքը փոխելով՝ փորձում էին նմանեցնել մոպսերին: Նոր տեսակի քինգ չարլզերը կարճ դունչ, գմբեթաձև գանգ և ցածրադիր ականջներ ունեին։ Որոշ ժամանակ պահպանվել է նաև հին տեսակը՝ երկար դնչով և հարթ գլխով, բայց 19-րդ դարի վերջին կարճ դնչով սպանիելները լիովին արդեն գերակշռել են։

Ըստ պատմական աղբյուրների սպանիելների այս տեսակը անվանակոչվել է ի պատիվ թագավորի կավալերների: Կավալեր քինգ չարլզ սպանիել տեսակի առաջին ստանդարտը եղել է 1928 թվականին Մեծ Բրիտանիայում: Անգլիական Քեննել ակումբը ճանաչել է այս ցեղատեսակը 1945 թվականին, իսկ FCI-ը՝ 1955 թվականին[1]:

Արտաքին տեսք[խմբագրել | խմբագրել կոդը]

Կավալեր քինգ չարլզ սպանիելը հաճելի արտաքինով նուրբ և ակտիվ շուն է: Գլուխը ականջների միջև հարթ է, դունչը՝ կոնաձև, քիթը՝ սև: Աչքերը կլոր են, մեծ, մուգ, լայնադիր: Ականջները սուր են, բարձր, բրդոտ: Մարմինը կարճ է, մեջքը՝ ուղիղ, կողոսկրերը՝ կլորացված: Պոչը ցածր է պահում, կազմում է մեջքի 1/3-ը:[1][2].

Բուրդը երկար է, մետաքսանման, կարող է լինել փոքր-ինչ ալիքավոր, զարդարող մազերը առաջացնում են առատ մազափնջեր: Ցուցադրական շների մազերը չեն կտրում: Այս ցեղատեսակի շները հիմնականում չորս գույնի են լինում` սև՝ վառ բծերով, վառ մուգ կարմիր (ռուբինի գույն), եռագույն (սև բծերով) և բլենհեյմ[2]:

Բլենհեյմ գունավորումը նկարագրվում է որպես վառ, մարգարտե սպիտակի ֆոնին հստակ ուրվագծված դարչնագույն բծերով: Մուգ բծերը գլխին համաչափ են լինում՝ թողնելով բավականին շատ սպիտակ տարածք ճակատի և ականջների միջև։ Այս տեղում կարող է լինել շագանակագույն շեղանկյունաձև «Բլենհեյմի հետքը», որը հատկապես գնահատվում է և համարվում ցեղատեսակի նշան[2]:

Բնավորություն և օգտագործում[խմբագրել | խմբագրել կոդը]

Կավալեր քինգ չարլզ սպանիելները ակտիվ, զգացմունքային, անվախ կենդանիներ են: Շները խաղասեր են, հակված չեն նյարդայնանալու[2]: Դրանք հարմար են կարճատև որսի համար և, ընդհանուր առմամբ, հիանալի դեկորատիվ շներ են[3]:

Պատկերասրահ[խմբագրել | խմբագրել կոդը]

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Пикерел Т. Собаки: иллюстрированная энциклопедия = The spirit of the dog: An illustrated history / пер. Кутдюсовой А. Р. — М.: ЭКСМО, 2014. — С. 274-277. — 288 с. — ISBN 978-5-9--71970-9
  2. 2,0 2,1 2,2 2,3 «Cavalier King Charles Spaniel: FCI-standard № 136» (անգլերեն)։ FCI։ Վերցված է 2015-01-02 
  3. Пуньетти, Джино Кавалер кинг чарльз спаниель // Энциклопедия собаки / пер. С. Петрова. — Крон-Пресс, 1998. — ISBN 5-232-00595-2

Գրականություն[խմբագրել | խմբագրել կոդը]

  • Мищиха О. Карликовые, или той-спаниели: кавалер-кинг-чарльз-спаниели, а также кинг-чарльз-спаниель // Друг : журнал. — 2009. — № 8. — С. 66—73. — ISSN 1609-0527.

Արտաքին հղումներ[խմբագրել | խմբագրել կոդը]