Կաթիլային մարքեթինգ
Կաթիլային մարքեթինգ (անգլ.՝ Drip marketing), հաղորդակցման ռազմավարության տեսակներից մեկը, որի ժամանակ գրավոր կամ այլ տեսակի ուղերձներ են ուղարկվում հաճախորդներին որոշակի պարբերականությամբ։ Իրականացման տեսանկյունից առավել արդյունավետ և հեշտ է էլեկտրոնային մարքեթինգը[1]։
Եզրույթը ծագել է գյուղատնտեսական ոռոգման մեթոդից՝ կաթիլային ոռոգումից։
Խնդիրներ և տարբերություններ[խմբագրել | խմբագրել կոդը]
Կաթիլային մարքեթինգը տարբերվում է մարքեթինգի այլ տեսակներից մի քանի հատկանիշով․
- հաղորդագրությունների ժամանակը համապատասխանում է նախապես սահմանված ժամանակացույցին,
- հաղորդագրությունները միավորվում են շարքում, որը ենթադրում է կոնկրետ գործողություններ և կարգավիճակներ,
- ավտոմատացում[2][3]։
Հաճախ կաթիլային մարքեթինգը ենթադրում է «սառը» լիդերի (հավանական հաճախորդներ, որոնք դեռ չեն որոշել ձևակերպել գնումները) հետ հարաբերություններ հաստատելու գործընթաց։ Հիմնական խնդիրը լիդին գնում կատարելուն դրդելն է ընկերության նկատմամբ վստահություն ձևավորելու միջոցով՝ ապացուցելով ընկերության իրավասությունն ու փորձը հավանական գնորդի հետ առաջին շփման պահից և ամրապնդելով նման հարաբերությունը «գնորդի ողջ ճանապարհիին»[4]։
Առավելություններ[խմբագրել | խմբագրել կոդը]
- Բարձրացնել բրենդի կամ ապրանքի մասին իրազեկությունը լիդի հետ մշտական կոնտակի միջոցով։
- Ավելի շատ լիդերի ներգրավումն օգնում է պահպանել վաճառքի պատասխանատուների ժամանակը։
- Կոնտակտների սառը բազայի ջերմացումն օգնում է բարձրացնել վաժառքի քանակը և մեծացնել եկամուտը։
- Հաճախորդների հետ պատշաճ շփումը օգնում է մեծացնել ծանոթների շրջանում կրկնակի գնումներ և խորհրդատվություն կատարելու հավանականությունը։ Ընդ որում՝ անհրաժեշտ է ցույց տալ փորձառությունը տվյալ ոլորտում և տալ օգտակար տեղեկատվություն այն լիդերին, որոնք անտեղյակոության պատճառով վստահ չեն գնումներ կատարելիս։
- Արդիականություն՝ կաթիլային ընկերության դեպքում կազմակերպությունը կարողանում է մատուցել ճիշտ տեղեկատվություն ճիշտ ժամանակին։
- Հավանական հաճախորդների ձևավորում՝ կաթիլային մարքեթինգի նպատակներից մեկը հաճախորդներին վաղ փուլերում դաստիարակելն է, քանի դեռ նրանք պատրաստ չեն գնման փուլին։ Վաճառքի տարբեր փուլերում հավանական հաճախորդների շարունակական մատակարարումն օգնում է առավելագույնին հասցնել մարքեթինգային և առևտրային ջանքերը։
- Բարելավել արդյունավետությունը՝ կաթիլային մարքեթինգն ազատում է արժեքավոր ռեսուրսներ և ավտոմատ գործընթացների շնորհիվ խնայում է ժամանակը։ Սա բացառում է վաճառքի ցիկլում յուրաքանչյուր հավանական հաճախորդի գտնվելու վայրը հիշելու անհրաժեշտությունը՝ ուսուցանելով ու դաստիարակելով նրան։
Մեդիա մեթոդներ[խմբագրել | խմբագրել կոդը]
- Էլեկտրոնային հասցե՝ կաթիլային մարքեթինգի առավել հաճախ օգտագործվող տարբերակը էլեկտրոնային մարքեթինգն է։ Այն ունի էժան ինքնարժեք, քանի որ հնարավորություն է տալիս միևնույն ժամանակամիջոցում ուղարկել մի քանի հաղորդագրություն։ Կաթիլային էլեկտրոնային մարքեթինգը հաճախ օգտագործվում է համակցված վեբ-տարբերակով՝ ավտոպատասխանիչի մեթոդով։
- Փոստային հասցե՝ կա ուղիղ փոստի ծրագրակազմ, որը թույլ է տալիս օգտագործել կաթիլային մարքեթինգի մեթոդներ՝ կիրառելով ստանդարտ փոստ։ Այս տեխնոլոգիան հիմնված է թվային տպագրության վրա, որտեղ ցածր մակարդակի գործարկումները ծախսարդյունավետ են, և փոփոխական տվյալները կարող են համակցվել՝ յուրաքանչյուր կաթիլային հաղորդագրություն անհատականացնելու համար։
- Սոցիալական մեդիա՝ կաթիլային մարքեթինգի սկզբունքները կիրառվել են մարքեթինգի բազմաթիվ գործիքներում սոցիալական ցանցերում՝ թարմացումների շարքերը պլանավորելու ժամանակ։
Ծանոթագրություններ[խմբագրել | խմբագրել կոդը]
- ↑ What is Drip Marketing? The Complete Guide to Drip Campaigns, Lifecycle Emails, and More
- ↑ «Drip Marketing: Slow and Steady Wins the Customer». Արխիվացված է օրիգինալից 2017 թ․ դեկտեմբերի 1-ին. Վերցված է 2017 թ․ նոյեմբերի 30-ին.
- ↑ What Is Drip Marketing and Is It Effective?
- ↑ The first rule about drip marketing campaigns
Գրականություն[խմբագրել | խմբագրել կոդը]
- Paul McFedries. Word spy։ the word lover's guide to modern culture. Broadway Books. p. 90, 2004. ISBN 0-7679-1466-X.
- Glenn Fallavollita. DRIP Marketing։ A Powerful New Marketing Strategy That Gets Prospects To Buy From You. 2011. ISBN 0-9827-7860-0.