Ծաղրապատում

Վիքիպեդիայից՝ ազատ հանրագիտարանից
Jump to navigation Jump to search

Ծաղրապատում, արվեստի գործ, որը դիտավորյալ կրկնօրինակում է ուրիշի էական հատկանիշները, սովորաբար մեծ համբավ ունեցող գործի կամ գործերի խմբի հիման վրա՝ կատակերգական էֆֆեկտ ստեղծելու ակնկալիքով։

Ծաղրապատումները ստեղծվում են տարբեր ժանրերով և արվեստի տարբեր ճյուղերի հիման վրա։

Ավելի տարածված են գրականական ծաղրապատումները՝ ինչպես չափածո, այնպես էլ պոետիկական։

Հայտնի են ֆիլմեր-ծաղրապատումները. դրանք ֆիլմեր են, որոնք ծաղրապատում են կամ որոշակի շատ հայտնի ֆիլմեր, կամ ֆիլմի մի ամբողջ ենթաբաժին։

Առավել տարածված մեթոդներ[խմբագրել | խմբագրել կոդը]

Ծաղրապատման կատակերգությանը սովորաբար հասնում են բավականին պարզ մեթոդների կիրառմամբ, որոնցից առավել տարածված են.

  1. Հիպերբոլիզացիան, երբ տվյալ ժանրի կամ ստեղծագործության էական հատկանիշները մինչև աբսուրդի աստիճան շեշտվում են և կրկնվում։
  2. Ստեղծագործության շրջումը, երբ տվյալ ժանրի կամ ստեղծագործության էական հատկանիշները փոխարինվում են հակադիր հատկանիշներով։
  3. Ենթատեքստի միակցումը, երբ ենթատեքստը այնպես է փոխվում, որ վերջնական ստեղծագործության ճշգրիտ կրկնված յուրահատկությունները դառնում են ամիմաստ և ծիծաղելի։