Ծաղկաբաժակ

Վիքիպեդիայից՝ ազատ հանրագիտարանից
Jump to navigation Jump to search
Saintpaulia ծաղկի ծաղկաբաժակը

Ծաղկաբաժակ, ծաղիկը արտաքինից պատող թերթիկներ, որոնք ծաղկի կարևոր մասերը (օրինակ՝ առէջները, վարսանդը) պաշտպանում են արտաքին անբարենպաստ գործոնների ազդեցությունից։ Ծաղկաբաժակը կարևոր է նաև փոշոտման և բեղմնավորման գործընթացում։

Տարբերում են բարդ կամ կրկնակի ծաղկաբաժակ, երբ թերթիկները տարբերակված են բաժակի ու պսակի, և պարզ ծաղկաբաժակ, երբ բոլոր թերթիկները միանման են։ Պարզ ծաղկաբաժակը իր հերթին կարող է լինել պսականման, վառ գունավորված թերթիկներով (օրինակ, վարդակակաչի, շուշանի, սագախոտի ծաղիկներինը) և բաժականման՝ թերթիկները մանր, կանաչ, ինչպես ճակնդեղի ծաղիկներինը։

Տես նաև[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 111 CC BY-SA icon 80x15.png