Խրոնոմետրաժ

Խրոնոմետրաժ (ֆր.՝ chronometrage, հունարեն՝ χρόυοσ — ժամանակ և հունարեն՝ μετρέω — չափել), աշխատանքային գործողության կրկնվող տարրերի (մասերի) դիտման ու չափման ուղիով աշխատաժամանակի ծախսն ուսումնասիրելու մեթոդ։

Գլխավոր խնդիրը հիմնական և օժանդակ ժամանակի նորմատիվների մշակման համար ելակետային տվյալների ստացումն է։ Կատարվում է երկու եղանակով (ըստ ընթացիկ ժամանակի ու ընտրանքային ուղիով) և չորս փուլով՝

1. դիտման նախապատրաստում
2. իրականացում
3. դիտման արդյունքների վերլուծության հիման վրա արված գրանցումների մշակում
4. եզրակացություն

Խրոնոմետրաժը կատարվում է վայրկենաչափով կամ այլ սարքերով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 95)։