Խմբաքանդակ՝ մարտակառքով (մ.թ.ա. 15-14-րդ դարեր, Լոռի բերդ)
 | |
|---|---|
| նյութ | բրոնզ |
| բարձրություն | 19,6 |
| լայնություն | 12,3 |
| խորություն | 6,4 |
| ստեղծվել է | մ. թ. ա. 15-14-րդ դար |
| կայք | |
Խմբաքանդակ՝ մարտակառքով, մ․թ․ա․ 15-14-րդ դարերում Լոռի բերդում հայտնաբերված խմբաքանդակ, որը ներառված է Հայաստանի պատմության թանգարանի հավաքածուում 2728-12 համարի ներքո։
Նկարագրություն[խմբագրել | խմբագրել կոդը]
Որսի հետապնդման տեսարանով ձուլածո մանրաքանդակը կազմված է քառանկյունի հարթակի վրա դրված երկանիվ մարտակառքից և լծված դինամիկ ընթացքի մեջ գտնվող զույգ ձիերից, որոնք բարակիրան են, ունեն երկարավուն դունչ, բարձր բաշեր, երկար պոչ։ Առջևից սլանում է աղեղնաձև եղջյուրներով մի այծյամ[1]։
Կառքի անիվները ճաղավոր են, թափքը՝ թեթև։ Թափքի վրա կանգնած են դաշյուններով զինված, երկարավիզ, տափակ դեմքերով երկու ֆիգուրա, որոնցից մեկը կրում է կատարաձև վերնամասով սաղավարտ։ Արձանախումբը տեղադրված է խարսխաձև հիմքով պատվանդանի վրա։ Հարթակը սնամեջ է, եզրակողերը հարդարված են եռանկյունաձև բացվածքներով։ Ներսում պահպանվել են բրոնզե զրնգացող գնդիկներ։ Ծառայել է որպես շտանդարտ և չարխափան իր, ամրացվել է կառքի կամ պատգարակի առաջամասին[1][2]։
Ծանոթագրություններ[խմբագրել | խմբագրել կոդը]
- ↑ 1,0 1,1 Հայացք բրոնզե դարից, Ալբոմ-կատալոգ, Հայաստանի պատմության թանգարան, 2016, 160 էջ։ A Glance from the Bronze Age. Yerevan, History Museum of Armenia, 2016, 160 pages.
- ↑ «Խմբաքանդակ՝ մարտակառքով - Հայկական գանձարան». Հայկական գանձարան. Վերցված է 2017 թ․ փետրվարի 16-ին.(չաշխատող հղում)
Աղբյուրներ[խմբագրել | խմբագրել կոդը]
- Հայացք բրոնզե դարից, Ալբոմ-կատալոգ, Հայաստանի պատմության թանգարան, Երևան, 2010։
- Հասմիկ Իսրայելյան - Պաշտամունքն ու հավատալիքները ուշ բրոնզեդարյան Հայաստանում, Երևան, 1973։
Այս հոդվածի կամ նրա բաժնի որոշակի հատվածի սկզբնական տարբերակի նյութը տրամադրված է Հայաստանի պատմության թանգարանի կողմից ԳԼԱՄ ծրագրի շրջանակներում։  |