Լյուդմիլա Սարգսյան

Լյուդմիլա Սարգսյան
Ծնվել է	մարտի 30, 1959(1959-03-30) (65 տարեկան)
Ծննդավայր	Թբիլիսի, Վրացական ԽՍՀ, ԽՍՀՄ
Քաղաքացիություն	Հայաստան
Մասնագիտություն	քաղաքական գործիչ
Զբաղեցրած պաշտոններ	Հայաստանի Ազգային ժողովի պատգամավոր և Հայաստանի Ազգային ժողովի պատգամավոր
Lyudmila Sargsyan Վիքիպահեստում

Լյուդմիլա Նարիմանովի Սարգսյան (մարտի 30, 1959(1959-03-30), Թբիլիսի, Վրացական ԽՍՀ, ԽՍՀՄ), ՀՀ քաղաքական գործիչ։

Կրթություն

1982 թվականին ավարտել է Երևանի Էլեկտրոնային հաշվիչ մեքենաների տեխնիկումը։ Տեխնիկ, մաթեմատիկոս-ծրագրավորող։ 2011 թվականին ընդունվել է Հյուսիսային համալսարանի ինֆորմատիկա և հաշվողական տեխնիկա (ծրագրավորում) ֆակուլտետ։

Գործունեություն

1977-1979 թթ. Երևանի Կ.Մարքսի անվան պոլիտեխնիկական ինստիտուտում աշխատել է լաբորանտ, 1984-1985 թթ. ԽՍՀՄ տեղական արդյունաբերության մինիստրության ԳԱՄ հաշվողական կենտրոնում՝ տեխնիկ, 1985-1995 թթ. առողջապահության նախարարության համակարգում՝ ճարտարագետ (Մ. Հերացու անվան բժշկական համալսարանի քիթ-կոկորդ-ականջ ամբիոնի ծրագիր)։ 1997-1999 թթ. եղել է «Արաբկիր» ՓԲԸ հաշվապահ։

2003 թ. Սոցիալ-դեմոկրատ հնչակյան կուսակցության անդամ է, 2004 թ.` ատենապետ։

2009 թ. ընտրվել է Երևանի ավագանու անդամ համամասնական ընտրակարգով «Հայ ազգային կոնգրես» կուսակցությունների դաշինքից, սակայն հրաժարվել է մանդատից։

2012 թ. մայիսի 6-ին ԱԺ պատգամավոր է ընտրվել համամասնական ընտրակարգով «Հայ ազգային կոնգրես» կուսակցությունների դաշինքից։

2013 թվականից Վերակազմյալ Սոցիալ-դեմոկրատ հնչակյան կուսակցության ատենապետն է։

07.02.2013 - 08.09.2013 խմբակցության կողմից առաջադրվել է էթիկայի հարցերով ժամանակավոր հանձնաժողովի նախագահի տեղակալ։

2019թ. դարձել է Երևանի ավագանու «Բարգավաճ Հայաստան» խմբակցության անդամ։

Ամուսնացած է, ունի երկու զավակ։

Ծանոթագրություններ

Վիքիպահեստն ունի նյութեր, որոնք վերաբերում են «Լյուդմիլա Սարգսյան» հոդվածին։