Լենինի հուշարձաններ (Կրասնի Սուլին)
Լենինի հուշարձաններ (ռուս.՝ Памятники Ленину), հուշարձաններ Ռուսաստանի Ռոստովի մարզի Կրասնի Սուլինի շրջանի և Կրասնոսուլինսկի քաղաքային շրջանի վարչական կենտրոն Կրասնի Սուլին քաղաքում, որոնք նվիրված են խորհրդային քաղաքական և պետական գործիչ, համաշխարհային պատմության մեջ առաջին սոցիալիստական պետության հիմնադիր Վլադիմիր Լենինին։
Պատմություն[խմբագրել | խմբագրել կոդը]
 Արտաքին պատկերներ
| |
|---|---|
|
Քաղաքի կենտրոնական հրապարակում |
Խորհրդային իշխանության տարիներին Խորհրդայիմ Միության բազմաթիվ քաղաքներում տեղադրվել են Վ. Լենինի հուշարձաններ։ Նրանց մի մասը ճանաչվել է մշակութային ժառանգության օբյեկտ։ Կրասնի Սուլին քաղաքում տեղադրվել է մի քանի հուշարձան։
Լենինի հուշարձանը կենտրոնական հրապարակում[խմբագրել | խմբագրել կոդը]
Քաղաքի կենտրոնական հրապարակում, որը կոչվում է Վ. Ի. Լենինի անունով, 1934 թվականի նոյեմբերին, Հոկտեմբերյան հեղափոխության տարեդարձի կապակցությամբ տեղադրվել է Վ. Լենինի՝ քաղաքում առաջին հուշարձանը։ Այն կառուցվել է Սուլինի մետալուրգիական գործարանի նախկին տնօրեն (1934-1939) Իվան Գրիգորևիչ Սոլովյովի նախաձեռնությամբ։ Հուշարձանը տեղադրվել էր Կրասնի Սուլինի շրջանի վարչակազմի և Երիտասարդական կենտրոնի շենքերի միջև։ Հուշարձանի քանդակը տեղադրվել էր չորսմետրանոց երկաթբետոնե պատվանդանի վրա և պատկերում էր պրոլետարական առաջնորդին աշխատավորների առջև զրահապատ մեքենայի վրայից ելույթ ունենալիս։ Հուշարձանի հիմքը երեսպատված էր մոխրագույն և վարդագույն գրանիտով։
Երկրորդ համաշխարհային պատերազմի ժամանակ, 1942 թվականին, հուշարձանը պայթեցվել է գերմանացիների կողմից։ 1945 թվականին այն վերականգնվել է և 1966 թվականին տեղափոխվել Սուլինի մետալուրգիական գործարանի տարածք։ Տեղափոխված հուշարձանի փոխարեն պատրաստվել է նորը։
Լենինի նոր հուշարձանը բացվել է 1967 թվականին՝ քաղաքի կենտրոնական հրապարակի այն տեղում, որտեղ կանգնած էր նախկին հուշարձանը։ Հուշարձանը պատրաստվել է խորհրդային քանդակագործ-մոնումենտալիստ Իսահակ Դավիդովիչ Բրոդսկու նախագծով[1]։ Լենինը պատկերված է մոխրագույն սալիկներով երեսպատված պատվանդանի վրա, աջ ձեռքով նա պահում է իր բաճկոնի դարձածալը, իսկ ձախ ձեռքին թղթի գլանակ է։
Հուշարձանի մոտակայքում տեղի են ունենում քաղաքի բնակիչների ցույցերն ու հանրահավաքները։
Լենինի հուշարձանը Նեսվետայ-ՊՇԷԿ ավանում[խմբագրել | խմբագրել կոդը]
Վ. Լենինի երկրորդ հուշարձանը կառուցվել և տեղադրվել է 1956 թվականին Նեսվետայ-ՊՇԷԿ ավանում՝ էներգետիկների մշակույթի պալատի մոտ։ Հուշարձանը կառուցվել է երկաթբետոնից և գիպսից։ Հուշարձանի չափսերը. պատվանդանի բարձրությունը՝ 2,5 մ, քանդակի բարձրությունը՝ 1,8 մետր։
Լենինի հուշարձանը մետաղական կոնստրուկցիաների գործարանի տարածքում[խմբագրել | խմբագրել կոդը]
1975 թվականին, ֆաշիստական Գերմանիայի նկատմամբ խորհրդային ժողովրդի տարած հաղթանակի 30-ամյակի կապակցությամբ, տեղադրվել է Լենինի հուշարձանը մետաղական կոնստրուկցիաների գործարանի տարածքում։ Քանդակը պատրաստվել է գիպսից ու երկաթբետոնից և կանգնած է քարե պատվանդանի վրա, որը երեսպատված է գրանիտով։ Հուշարձանը տեղադրվել է գործարանի վարչության շենքի դիմաց։ Պատվանդանի չափսերը՝ 1,2 մ × 1,2 մ։ Քանդակի բարձրությունը 2 մ է։ Լենինը պատկերված է վերարկուով կանգնած, ձախ ձեռքը ծալված է։
Ծանոթագրություններ[խմբագրել | խմբագրել կոդը]
- ↑ «Сулину – 210. Хроника событий». Արխիվացված է օրիգինալից 2017 թ․ սեպտեմբերի 6-ին. Վերցված է 2019 թ․ մարտի 7-ին.
Արտաքին հղումներ[խմբագրել | խմբագրել կոդը]
- Памятники Ленину
- Памятники Ленину. Земля Сулинская.