Ինքնավար օկրուգ

Վիքիպեդիայից՝ ազատ հանրագիտարանից

Ինքանվար օկրուգ, ԽՍՀՄ-ում վարչական ինքնավարության ձև (երկրամասի կամ մարզի կազմում), որն աչքի է ընկնում ազգային կազմի և կենցաղի առանձնահատկություններով։ Մինչև 1977-ի ԽՍՀՄ Սահմանադրության ընդունումը կոչվում էր ազգային օկրուգ։ ԽՍՀՄ-ում եղել է 10 ինքնավար օկրուգ (բոլորն էլ Ռուսաստանի Խորհրդային Ֆեդերատիվ Սոցիալիստական Հանրապետությունում)։ Ինքանվար օկրուգի միջոցով անցյալում տնտեսապես և մշակույթով հետամնաց փոքրաթիվ ազգություններ ներգրավվեցին սոցիալիստական շինարարության մեջ, ապահովվեց նրանց ազատ զարգացումը։ Ինքանվար օկրուգի մասին օրենքը ընդունում է միութենական հանրապետության Գերագույն խորհուրդ։ Ինքանվար օկրուգի պետական իշխանության մարմինը՝ ժողովրդական դեպուտատների օկրուգային խորհուրդը, ընտըրվում է 2,5 տարի ժամկետով։ Ինքանվար օկրուգից ԽՍՀՄ-ում Գերագույն խորհրդի Ազգությունների խորհրդում ընտրվում էր մեկ դեպուտատ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png