Ինքնավար շրջան

Ինքնավար շրջան (կամ ինքնավար օկրուգ), վարչական ինքնավարության ձև (երկրամասի կամ մարզի կազմում) որոշ սլավոնական պետություններում և նախկին Խորհրդային Միությունում, որն աչքի է ընկնում ազգային կազմի և կենցաղի առանձնահատկություններով։

Մինչև 1977 թվականի ԽՍՀՄ Սահմանադրության ընդունումը կոչվել է ազգային օկրուգ։ ԽՍՀՄ-ում եղել է 10 ինքնավար օկրուգ (բոլորն էլ Ռուսաստանի Խորհրդային Ֆեդերատիվ Սոցիալիստական Հանրապետությունում)։ Ինքանվար օկրուգի մասին օրենքն ընդունում էր միութենական հանրապետության Գերագույն խորհուրդ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 368)։