Թիֆլիսի կանանց բարձրագույն դասընթացներ

Վիքիպեդիայից՝ ազատ հանրագիտարանից
Jump to navigation Jump to search

Թիֆլիսի կանանց բարձրագույն դասընթացներ, հիմնվել է 1909 թվականին, Թիֆլիսում՝ Կովկասի հայ, վրացի և ռուս մտավորականների նախաձեռնությամբ։ Պատրաստել է նախագիմնազիաների և գիմնազիաների ուսուցչուհիներ։ Ունեցել է բնագիտական, պատմաբանասիրական, բժշկական (1916 թվականից) ֆակուլտետներ։ Ուսման տևողությունը՝ 3, 1912 թվականից՝ 4 տարի։ Ուսումնական ծրագիրը համապատասխանել է համալսարանական ծրագրին։ Դասավանդել են ինչպես հայ (Ֆ. Աբրահամյան, Պ. Մելիքով, Ա. Հարությունյան, Դ. Զավրիև), այնպես էլ այլազգի անվանի մանկավարժներ։ Սանուհիներից են Ս. Շահվերդյանը, Վ. Թումանյանը, Ն. Թումանյանը, Վ. Տեր-Մինասյանը և ուրիշներ։

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայ Սփյուռք» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png