Թանաքաձուկ

Վիքիպեդիայից՝ ազատ հանրագիտարանից
Jump to navigation Jump to search
42-EastTimor-Dive 1 Tasi-Tolu 41 (Cuttle-Fish)-APiazza.JPG

Թանաքաձուկ, (Sepia), տասնոտանիների կարգի գլխոտանի փափկամորթների սեռ: Մարմինը երկարավուն է (մինչև 25 սմ), բաժանված գլխի և իրանի: Կողքերին ունի լողակներ, բերանի շուրջը՝ ութ «ձեռքեր», որոնք կրում են ծծիչներ: Ծայրերում լայնացած երկու ավելի երկար «ձեռքերը» ծառայում են որսը բռնելուն: Իրանը ծածկված է թիկնոցով, որի տակ գտնվում է խեցին: Թանաքագեղձի (ուղիղ աղիքի հավելված) արտադրած սեկրետը՝ սեպիան, ինքնապաշտպանության միջոց է, ջուրը գունավորում է և ապակողմնորոշում թշնամուն: Վարում է հատակային կյանք, լողում է դանդաղ: Ապրում է տաք և արևադարձային ծովերում: Միսն օգտագործվում է որպես սննդանյութ: Թանաքագեղձի սեկրետը կիրառվում է գեղանկարչության մեջ որպես կայուն, մուգ դարչնագույն ներկանյութ:

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 138 CC-BY-SA-icon-80x15.png