Էվերտ Պայազատյան (Պայազատ, հունվարի 18, 1940(1940-01-18), Լենինական, Հայկական ԽՍՀ, ԽՍՀՄ), հայ կինոգետ, սցենարիստ։ Արվեստագիտության թեկնածու։ ՀԽՍՀ արվեստի վաստակավոր գործիչ (1986)։
1962 թվականին ավարտել է Երևանի պետական համալսարանը։ 1982-1995 թվականներին եղել է «Հայֆիլմ» կինոստուդիայի գլխավոր խմբագիրը։ 1995-2000 թվականներին եղել է Ռուսաստանի պետկինոյի գլխավոր մասնագետ, 2000-2002 թվականներին՝ «Սոյուզմուլտֆիլմ» կինոստուդիայի գլխավոր խմբագիր։ Դասավանդել է Երևանի թատրոնի և կինոյի պետական ինստիտուտում, ռեժիսուրայի և դերասանական վարպետության ամբիոնի դոցենտ է։