Էռնեստ Սարուխանյանց
Անձնական տվյալներ | ||||||||||||
---|---|---|---|---|---|---|---|---|---|---|---|---|
Քաղաքացիությունը | Ռուսաստան | |||||||||||
Ծննդյան ամսաթիվ | օգոստոսի 19, 1971 (52 տարեկան) | |||||||||||
Ծննդավայր | Դոնի Ռոստով, ՌԽՖՍՀ, ԽՍՀՄ | |||||||||||
Դիրք | կիսապաշտպան | |||||||||||
Պատանեկան կարիերա | ||||||||||||
| ||||||||||||
Մասնագիտական կարիերա* | ||||||||||||
Տարի | Ակումբ | Խաղ | (Գոլ) | |||||||||
| ||||||||||||
Մարզչական կարիերա | ||||||||||||
| ||||||||||||
* Մասնագիտական կարիերայում ընդգրկված են միայն առաջնության խաղերը և գոլերը: |
Էռնեստ Էդուարդի Սարուխանյանց (օգոստոսի 19, 1971, Դոնի Ռոստով, ՌԽՖՍՀ, ԽՍՀՄ), հայկական ծագմամբ ռուսաստանաբնակ նախկին ֆուտբոլիստ (կիսապաշտպան), մինի ֆուտբոլի խաղացող, ֆուտբոլային մարզիչ։
Կենսագրություն[խմբագրել | խմբագրել կոդը]
Էռնեստ Սարուխանյանցը Դոնի Ռոստովի «Ստրելա» մանկապատանեկան մարզադպրոցի սան է։ Չափահասների մակարդակում իր կարիերայի առաջին տարիներին խաղացել է սիրողական թիմերում։ Պրոֆեսիոնալ մակարդակում իր նորամուտը կատարել է 1993 թվականին՝ Դոնի Ռոստովի «Իստոչնիկի» կազմում հանդես գալով երկրորդ լիգայում։
1994 թվականին հանդես է եկել Ղազախստանի բարձրագույն լիգայի «Գորնյակ» (Խրոմտաու) ակումբում, որի կազմում անցկացրել է երեք հանդիպում և խփել մեկ գոլ։ Իր նորամուտային հանդիպումն անցկացրել է 1994 թվականի հուլիսի 3-ին ընդդեմ «Ակտյուբինեցի»[1], իսկ գոլը խփել է ակումբի կազմում անցկացրած իր երկրորդ խաղում՝ հուլիսի 6-ին գրավելով «Յասսի» (Թուրքեստան» ակումբի դարպասը[2]։
Ռուսաստան վերադառնալուց հետո Էռնեստ Սարուխանյանցը երեք տարի խաղացել է «Սպարտակ-Բրատսկի» ակումբում երրորդ լիգայում։ Հետագայում տասը տարի չի խաղացել մեծ ֆուտբոլ պրոֆեսիոնալ մակարդակում, այլ հանդես է եկել Ռոստովի ու մարզի սիրողական թիմերում։ 2003 թվականից խաղացել է «Բատայսկում», որի հետ 2007 թվականին վերադարձել է պրոֆեսիոնալ մակարդակ և երեք մրցաշրջան անցկացրել երկրորդ դիվիզիոնում։ Իր կարիերայի ավարտին հանդես է եկել Նովոչերկասկի «ՄԻՏՕՍ» ակումբում, որի կազմում էլ 39 տարեկան հասակում ավարտել է կարիերան։
Մեծ ֆուտբոլից բացի Էռնեստ Սարուխանյանցը խաղացել է մինի ֆուտբոլ, այդ թվում «Նորիլսկի Նիկել» ակումբի հետ առաջին դիվիզիոնից անցել է բարձրագույն և 1998/99 մրցաշրջանում հանդես եկել բարձրագույն դիվիզիոնում։
Ֆուտբոլիստի կարիերան ավարտելուց հետո Էռնեստ Սարուխանյանցն սկսել է աշխատել որպես մարզիչ «ՄԻՏՕՍ»[3], «Դոնէներգո» (Աքսայ, սիրողական) և Դոնի Ռոստովի ԲՄԱ ակումբների մարզչական շտաբներում։