Զրահատանկային տեխնիկայի թանգարան
Զրահատանկային տեխնիկայի թանգարան | |
|---|---|
 | |
| Տեսակ | թանգարան |
| Երկիր |  Ռուսաստան |
| Տեղագրություն | Սվերդլովսկի մարզ |
| Վայր | Նիժնի Տագիլ |
| Հասցե | Նիժնի Տագիլ |
| Հիմնադրվել է | 1986 |
| Կայք | uvz.ru/presscenter/technical_museum/ |
 | |
 | |
Զրահատանկային տեխնիկայի թանգարան (ռուս.՝ Музей бронетанковой техники), գտնվում է Նիժնի Տագիլ քաղաքի Դերժինսկի շրջանում՝ Վոստոչնոե մայրուղու 28/5 հասցեում, Ուրալվագոնզավոդի հիմնական մուտքի մոտ։ Թանգարանը Ուրալվագոնզավոդի պատմության թանգարանի և ՈւՎԶ-ի արտադրանքի վագոնային ցուցադրման հետ միասին ներառված է Ուրալվագոնզավոդ թանգարան-ցուցահանդեսային համալիրում[1]։
Պատմություն[խմբագրել | խմբագրել կոդը]
Թանգարանը բացվել է 1986 թվականին «Ուրալվագոնզավոդ» ընկերության գլխավոր տնօրեն Վ. Կ. Սոտնիկովի հրամանով։ Թանգարանի բացումը նվիրված էր ձեռնարկության 50-ամյա տարելիցին։ Այդ ժամանակ թանգարանը բացվել է միայն գործարանի մասնագետների համար և այլ քաղաքացիներին հասանելի չէր։ 1988 թվականին թանգարանի շենքը գտնվել է ձեռնարկության առևտրային վարչության բաժնում և վերածվել է պատրաստի արտադրանքի պահեստի՝ պահպանելով թանգարանի ցուցադրությունը։
Շենքը 1997 թվականին վերադարձվել է թանգարանին։ Այստեղ առաջին անգամ անցկացվել են կազմակերպված էքսկուրսիաներ։ 2006 թվականին տեղի ունեցավ թանգարանի նոր բացումը, որը դուրս էր ձեռնարկության կառուցվածքից և հասանելի բոլոր այցելուների համար։ Այս միջոցառումը նվիրված էր Ուրալվագոնզավոդի հիմնադրման 70-ամյակին։ Բացմանը ներկա էին Սվերդլովսկի մարզի նահանգապետ Էդուարդ Ռոսսելն ու Եկատերինբուրգի արքեպիսկոպոսը[2]։ Առաջին զբոսաշրջիկների թվում էին ռազմաճակատի և թիկունքի վետերաններ, պետական պաշտոնյաներ և հոգևորականներ։
Ցուցադրություն[խմբագրել | խմբագրել կոդը]
Թանգարանն ունի ավելի քան հազար ցուցանմուշ. դրանց թվում են մարտական մեքենաների դետալներ, վերահսկման սարքավորումներ, մեքենաներ և գործիքներ, գծագրեր և էսքիզներ։
Ցուցադրությունում ներկայացված են Ուրալվագոնզավոդի պարգևները՝ 1935 թվականին Լենինի շքանշանից մինչև 1986 թվականին ստացած Հոկտեմբերյան հեղափոխության շքանշանը, սյուժետային նկարներ՝ նվիրված Հայրենական մեծ պատերազմում Ուրալվագոնզավոդի գործունեությանը։
Թանգարանի զարդ է համարվում այցելուների համար հայտնի էքսպոզիցիոն նմուշների և փորձարարական զրահապատ տրանսպորտային միջոցների շարքը՝ արտադրված է Ուրալվագոնզավոդում Մեծ Հայրենական պատերազմի ժամանակներից մինչև մեր օրերը, այդ թվում՝ ОТ-34, Т-54, «Объект 167», БРЭМ-1 և այլն։ Ցուցահանդեսը եզրափակում է T-90С տանկը։ Տանկերը պատրաստված են այնպես, որ այցելուները կարողանան մտնել դրանց մեջ։ Յուրաքանչյուր տանկի մոտ կա ռուսերեն և անգլերեն լեզուներով ցուցափեղկ, որը պատմում է դրանց տակտիկական և տեխնիկական բնութագրերի մասին։
Հետաքրքրություն են ներկայացնում ցուցահանդեսի առանձին տանկերի ճակատագիրը։ 1942 թվականի վերջին ОТ-34 հրանետային տանկը զորավարժությունների ժամանակ մերձմոսկովյան լճում ջրասույզ է եղել՝ մածուցիկ տիղմից հանելու անհաջող փորձերից հետո։ Այն հնարավոր չի եղել հանել ոչ 1943 թվականի գարնանը, ոչ էլ 1950-ական թվականներին Մոսկվայի օղակաձև ավտոմոբիլային ճանապարհի ձևավորման ժամանակ։ Միայն 1999 թվականին տանկը հնարավոր եղավ դուրս հանել ժամանակակից տեխնիկայի օգնությամբ, որից հետո այն գործնականում ապամոնտաժվել և կրկին հավաքվել է, նորոգվել և փոխարինվել են շարժիչն ու շարժահաղորդումը։ Այժմ այս տանկը Հաղթանակի օրվա և տեխնիկայի միջազգային ցուցահանդեսների ժամանակ Նիժնի Տագիլում գլխավորում է տեխնիկայի զորահանդեսը։ Փորձարարական «Объект 140» և «Объект 167» 1960- ական թվականներին գտնվել են Կուբինկի զենքի և զրահապատ մեքենաների պատմական թանգարանում, իսկ 2006 թվականին այն նվիրաբերվել է նիժնիտագիլյան թանգարանին։ 1999 թվականին Т-90С տանկը մասնակցել է զրահապատ մեքենաների փորձարկմանը Տար անապատում։ 2006 թվականին հանձնվել է թանգարանին։
Պատկերասրահ[խմբագրել | խմբագրել կոդը]
-
Հին տանկերի ցուցադրություն -
Ժամանակակից տանկերի ցուցադրություն -
«Объект 167Т» փորձարարական տանկ -
«Объект 140Т» հիմնական մարտական տանկ
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Музей бронетанковой техники» (ռուսերեն). Уралвагонзавод. Արխիվացված է օրիգինալից 2015 թ․ ապրիլի 2-ին. Վերցված է 2015 թ․ ապրիլի 6-ին.
- ↑ «Архиепископ Викентий принял участие в церемонии открытия музея бронетанковой техники в Нижнем Тагиле» (ռուսերեն). Екатеринбургская Епархия Русской Православной Церкви. 2006 թ․ սեպտեմբերի 13. Արխիվացված է օրիգինալից 2013 թ․ սեպտեմբերի 3-ին. Վերցված է 2013 թ․ հուլիսի 14-ին.
Արտաքին հղումներ[խմբագրել | խմբագրել կոդը]
- «Музей бронетанковой техники» (ռուսերեն). Уралвагонзавод. Արխիվացված է օրիգինալից 2015 թ․ ապրիլի 2-ին. Վերցված է 2013 թ․ հուլիսի 14-ին.
- Дмитрий Горчаков. «Музей бронетанковой техники УВЗ в Нижнем Тагиле. Часть 1» (ռուսերեն). Блог Дмитрия Горчакова. Արխիվացված օրիգինալից 2013 թ․ սեպտեմբերի 3-ին. Վերցված է 2013 թ․ հուլիսի 14-ին.
- Дмитрий Горчаков. «Музей бронетанковой техники УВЗ в Нижнем Тагиле. Часть 2» (ռուսերեն). Блог Дмитрия Горчакова. Արխիվացված օրիգինալից 2013 թ․ սեպտեմբերի 3-ին. Վերցված է 2013 թ․ հուլիսի 14-ին.