Երևանի N8 արհեստագործական պետական ուսումնարան
Երևանի N8 արհեստագործական պետական ուսումնարան | |
|---|---|
| Տնօրեն | Մ. Հակոբյան |
| Դասախոսներ | 20+ |
| Հասցե | Էրեբունի զ/ծ, Վ.Ավանեսովի 1 |
Երևանի N8 արհեստագործական պետական ուսումնարան-ը արհեստագործական պետական ուսումնարան է Երևանում։ Հիմնվել է 1976 թ. օգոստոսի 17-ին, ներկայիս ուսումնարանի տնօրենը Մարիամ Հակոբյանն է, փոխտնօրեններն են Տաթև Տոնոյանը և Հասմիկ Գրիգորյանը։ Ուսուցչական կազմում կա ավելի քան 20-ից ավել ուսուցիչ և աշխատակից[1]։
Պատմություն[խմբագրել | խմբագրել կոդը]
ՀՀ Կրթության և գիտության նախարարության «Երևանի N8 արհեստագործական պետական ուսումնարան» -ը հիմնադրվել է 1976 թվականի օգոստոսի 17 –ին՝ «N2 միջնակարգ պրոֆտեխնիկական ուսումնարան» անվամբ, հիմնադիր տնօրեն Էռնեստ Խանումյան։ Վերոնշյալ թվականին ուսումնարանում ուսուցանվել են հետևյալ մասնագիտությունները. 1984 թվականի նոյեմբերից ուսումնարանը վերանվանվել է և դարձել «N 23 պրոֆտեխնիկական ուսումնարան», 2002 թվականի դեկտեմբերի 11 –ին՝ « N 23 ավագ դպրոց», իսկ 2004 թվականի նոյեմբերի 18 –ին՝ Երևանի N8 արհեստագործական պետական ուսումնարան։ Ուսումնարանը տիպային է, հագեցած է նյութատեխնիկական բազայով,արհեստանոցներով, լաբորատորիաներով, ունի առանձին ատաղձագործական արհեստանոց՝ հագեցած բազմաբնույթ աշխատանքային հաստոցներով։ Ուսանողները մասնակցում են տարաբնույթ օլիմպիադաների, մրցույթների, ցուցահանդեսների, էքսպոների, ուսանողական միջոցառումների,արժանանում պատվավոր պարգևների և շնորհակալագրերի[2]։
Մասնագիտական ուղղություններ[խմբագրել | խմբագրել կոդը]
- Ատաղձագործական, մանրահատակագործական, ապակեգործական աշխատանքներ
- Խոհարարական գործ
- Համակարգիչների շահագործում
- Վարսավիրական արվեստ և զարդային դիմահարդարում
- Տրանսպորտային միջոցների շահագործում և նորոգում
- Փայտամշակման արտադրությունների սարքավորումների շահագործում և տեխնոլոգիա
Հավելյալ տեղեկություն[խմբագրել | խմբագրել կոդը]
Տրվում է կրթաթոշակ 4650 դրամ, համալրելով բանկային քարտին, որը տալիս է ուսումնարանը։ Հաստատությունում ընդունելությունն իրականացվում է առանց ընդունելության քննությունների`մրցութային հիմունքով։ Ուսուցումը կատարվում է հիմնական կրթության հիմքով՝ 3 տարի տևողությամբ անվճար, տրվում է պետական դիպլոմ։
Ընդունելության անհրաժեշտ փաստաթղթեր[խմբագրել | խմբագրել կոդը]
- 4 լուսանկար
- 9-ամյա կրթության վկայական (ատեստատ)
- Ծննդյան վկայականի կամ անձնագրի պատճեն
- Սոցիալական քարտի պատճեն
Ծանոթագրություններ[խմբագրել | խմբագրել կոդը]
- ↑ «ԵՐԵՎԱՆԻ ԹԻՎ 8 ԱՐՀԵՍՏԱԳՈՐԾԱԿԱՆ ՊԵՏԱԿԱՆ ՈՒՍՈՒՄՆԱՐԱՆ • ՀԱՅԱՍՏԱՆ (ԵՐԵՎԱՆ) • ՍՓՅՈՒՌ». spyur.am. Արխիվացված է օրիգինալից 2019 թ․ ապրիլի 17-ին. Վերցված է 2019 թ․ ապրիլի 17-ին.
- ↑ «DASARAN ԿՐԹԱԿԱՆ ԾՐԱԳԻՐ». www.dasaran.am. Արխիվացված է օրիգինալից 2019 թ․ փետրվարի 1-ին. Վերցված է 2019 թ․ ապրիլի 17-ին.