Ես կողքիդ կլինեմ (ֆիլմ, 2012)
 ռուս.՝ Я буду рядом | |
|---|---|
| Երկիր |  Ռուսաստան Ուկրաինա |
| Ժանր | դրամա |
| Թվական | 2012 |
| Լեզու | ռուսերեն |
| Ռեժիսոր | Պավել Ռումինով |
| Պրոդյուսեր | Վոլոդիմիր Զելենսկի, Անդրեյ Յակովլև, Գեորգի Մալիկով, Ալեքսեյ Ուչիտել և Լերա Մուլինա |
| Սցենարի հեղինակ | Պավել Ռումինով |
| Դերակատարներ | Մարիա Շալաևա, Մարիա Ռաֆայիլովնա Սյոմկինա, Իվան Վոլկով և Միխայիլ Կռիլով |
| Կինոընկերություն | Ստուդիա Կվարտալ-95, Enjoy Movies և Tvorchesko-proizvodstvennoe obʺedinenie "Rok"? |
| Տևողություն | 93 րոպե |
«Ես կողքիդ կլինեմ» (ռուս.՝ «Я буду рядом»), 2012 թվականի ռուս-ուկրաինական դրամատիկական ֆիլմ, որը նկարահանել է ռեժիսոր Պավել Ռումինովը։ Ֆիլմը ներկայացվել է «Կինոտավր» 23-րդ կինոփառատոնի լիամետրաժ ֆիլմերի մրցույթում, որտեղ արժանացել է փառատոնի գլխավոր մրցանակին։
Սյուժե[խմբագրել | խմբագրել կոդը]
Իննան ռեստորանի մենեջեր է։ Նրա համար աշխարհի ամենակարևոր մարդը Միտյան է՝ իր 6-ամյա որդին, որին Իննան միայնակ է դաստիարակում։ Մոր և երեխայի միջև ստեղծվել են հուզիչ և հոգատար հարաբերություններ, նրանք ամեն ինչում աջակցում են միմյանց։
Իննան իմանում է, որ անբուժելի հիվանդ է ուղեղի ուռուցքային հիվանդությամբ, և իրեն շատ քիչ ժամանակ է մնացել ապրելու։ Այժմ մոր համար գլխավորն այն է, որ ժամանակ ունենա փոքրիկ Միտյայի համար գտնելու նոր ծնողներ՝ հայր և մայր, հակառակ դեպքում երեխան շուտով կմնա բոլորովին միայնակ։ Իննան երկար ժամանակ զբաղվում է որոնումներով և վերջապես գտնում է անզավակ զույգի, որն իրեն դուր է գալիս։
Իննան մնում է միայնակ իր բնակարանում, շաբաթական երեք անգամ նրան այցելում է հոսպիսի կամավոր, իսկ Միտյային պաշտոնապես հանձնում է նոր ծնողներին։
Դերերում[խմբագրել | խմբագրել կոդը]
- Մարիա Շալաևա – Իննա
- Ռոման Զենչուկ – Միտյա, Իննայի որդին
- Մարիա Սյոմկինա – Օլգա, որդեգրող մայր
- Իվան Վոլկով – Սերգեյ, որդեգրող հայր
- Միխայիլ Կռիլով – Բորիս, Միտյայի հայրը
- Ելենա Մորոզովա – Յուլիա, Իննայի ընկերուհին
- Ալիսա Խազանովա – հոսպիսի կամավոր
- Լև Բուրակով
- Անդրեյ Գոլանով
- Վլադիմիր Կոտով
- Վալերի Կարավաև
- Եկատերինա Շչեգլովա
- Անաստասիա Վոլկոնսկիխ
- Եկատերինա Նիկիտինա
- Եվգենի Ակսյոնով
- Եվա Դանիլովա
- Դանիիլ Իսակով
- Անաստասիա Զախարովա
Մրցանակներ և անվանակարգեր[խմբագրել | խմբագրել կոդը]
- 2012 – Սոչիի «Կինոտավր» Ռուսական 23-րդ բաց կինոփառատոնի գլխավոր մրցանակ[1]
- 2012 – Կինոքննադատության և կինոմամուլի «Սպիտակ փիղ» մրցանակ կանացի լավագույն գլխավոր դերի կատարման համար – Մարիա Շալաևա[2]
- 2013 – ներկայացվել է «Նիկա» մրցանակի կնոջ լավագույն դերակատարման համար - Մարիա Շալաևա
- 2013 – Թունիսում ռուսական կինոյի փառատոնի մրցանակ լավագույն խաղարկային լիամետրաժ ֆիլմի համար[3]
Ծանոթագրություններ[խմբագրել | խմբագրել կոդը]
- ↑ «Картина Павла Руминова «Я буду рядом» признана лучшим российским фильмом». НТВ.ru. 2012 թ․ հունիսի 10. Արխիվացված է օրիգինալից 2012 թ․ հունիսի 10-ին. Վերցված է 2012 թ․ հունիսի 11-ին.
- ↑ «Четыре слона ушли «Фаусту»». Вечерний Петербург (21 декабря 2012). Արխիվացված է օրիգինալից 2013 թ․ դեկտեմբերի 13-ին. Վերցված է 2012 թ․ դեկտեմբերի 21-ին.
- ↑ «Фильмы - победители фестиваля». Արխիվացված է օրիգինալից 2013 թ․ մայիսի 24-ին. Վերցված է 2013 թ․ ապրիլի 30-ին.
|
