Եղիշե Փափանյան
 | |
|---|---|
| Ծնվել է | 1875 (1877) |
| Ծննդավայր | Կարին |
| Մահացել է | 1915 |
| Մահվան վայր | Մելիտինե |
| Մահվան պատճառ | Հայոց ցեղասպանություն |
| Ազգություն | հայ |
| Մասնագիտություն | բժիշկ, դեղագործ |
| Պարգևներ | ոսկե մեդալ և պատվո նշան |
Եղիշե Փափանյան (Փափանեսյան, 1875 կամ 1877, Կարին, Էրզրումի վիլայեթ, Օսմանյան կայսրություն - 1915), հայ դեղագործ, բժիշկ։
Կենսագրություն
[խմբագրել | խմբագրել կոդը]Ծնվել է 1875 (1877) թվականին, Կարին նահանգի կենտրոն Կարին քաղաքում։ Ավարտել է Կոնստանդնուպոլսի Օսմանյան կայսերական բժշկական վարժարանի դեղագործական բաժինը։ 1902 թվականին Կարինում սեփական դեղատուն է բացել և դեղագործ աշխատել։ Պատրաստել է «փուդրափափան» (Փափանյանի փոշի) հազի դեղը։ Իտալիայի Պալերմո քաղաքի համալսարանի բժշկական ֆակուլտետից ոսկե մեդալ և պատվո նշան է ստացել։ Մելիտինեում սեփական դեղատուն է ունեցել և դեղագործ աշխատել։
1915 թվականին Մելիտինեում թուրք խաժամուժը նրան կացնահար է արել՝ 39 տարեկանում։
Գրականություն
[խմբագրել | խմբագրել կոդը]- Հայ բժշկութեան տուած զոհերը, ցուցակագրուած վաւերական փաստերով, Կ. Պոլիս, 1919։
- Յուշամատեան Մեծ Եղեռնի (1915-1965), պատրաստեց Գերսամ Ահարոնեան, Պէյրութ, 1965։
- Թէոդիկ, Յուշարձան նա հատակ մտաւորականութեան, Բ. տպագրութիւն, Երեւան, ապրիլ 24, 1985։
Աղբյուրներ
[խմբագրել | խմբագրել կոդը]- Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։