Ելույթ վերելակի համար

Վիքիպեդիայից՝ ազատ հանրագիտարանից
Jump to navigation Jump to search

Ելույթ վերելակի համար (կամ ճառ վերելակի համար) (անգլ.՝ Elevator Pitch կամ Elevator Speech), ապրանքի, նախագծի կամ ծառայության հայեցակարգի վերաբերյալ կարճ պատմություն։ Եզրը արտացոլում է ժամանակային սահմանափակվածությունը․ ներկայացման երկարությունը պետք է այնպիսին լինի, որ այն ամբողջովին կարողանա պատմվել վերելակի շարժման ընթացքում, այսինքն՝ գրեթե երեսուն վայրկյան կամ 100-150 բառ[1][2]։

Եզրը սովորաբար գործածվում է անթեփրենյորի ելույթի ենթատեքստում իր նոր բիզնես գործընկերոջը ներդրումային հայեցակարգը ներկայացնելու համար։ Քանի որ վենչուրային ֆոնդերի ներկայացուցիչները ձգտում են ինչքան հնարավոր է շուտ որոշում կայացնել այս կամ այն թիմի կամ նախագծի հեռանկարային լինելու կամ չլինելու վերաբերյալ, ընտրության առաջնային չափանիշը դառնում է «վերելակի համար ելույթը»։ Համապատասխանաբար, այդ ելույթի որակը և ներկայացման մակարդակը ունեն կարևորագույն նշանակություն ստարտափի ղեկավարի համար, որը ձգտում է ֆինանսավորում գտնել։

Վերելակի համար ճիշտ կազմված ելույթը պատասխանում է որոշակի հարցերի․

  • Ինչպիսի ապրանք է առաջարկվում։
  • Ինչպիսի առավելություններ ունի ապրանքը։
  • Տեղեկատվություն ընկերության վերաբերյալ։

Տեքստերը, որոնք կարելի է անվանել «ելույթ վերելակի համար», հաճախ օգտագործվում են այլ մասնագիտության տեր անձանց համար․ վաճառողների, նախագծերի մենեջերների, այսինքն՝ մարդկանց, որոնց համար անհրաժեշտ է արագորեն հիմնական գաղափարը փոխանցել ունկնդրին, չնայած ինքը՝ եզրը, որպես կանոն, այդ տեսքով չի օգտագործվում։ «Վերելակի համար ելույթի» տարատեսակ կարելի է համարել գրքերի շապիկների վրայի կարճ գրվածքները։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]