Ելենա Վերեյսկայա
Ելենա Նիկոլաևնա Վերեյսկայա | |
|---|---|
| Ծնվել է | 7(19) դեկտեմբեր 1886 |
| Ծննդավայր | Մոսկվա |
| Վախճանվել է | 19 սեպտեմբեր 1966 (79 տարեկան) |
| Վախճանի վայր | Ռուսաստան, ԽՍՀՄ |
| Մասնագիտություն | մանկավարժ |
| Լեզու | ռուսերեն |
| Ազգություն | ռուս |
| Քաղաքացիություն | Ռուսական կայսրություն |
| Ժանրեր | արձակ |
Ելենա Նիկոլաևնա Վերեյսկայա ( աղջկական ազգանուն՝ Կարեևա, 7(19) դեկտեմբեր 1886 - 19 սեպտեմբեր 1966), սովետական մանկագիր։
Կենսագրություն[խմբագրել | խմբագրել կոդը]
Ելենա Կարեևան ծնվել է 1886 թվականին Սանկտ Պետերբուրգում։ Նրա հայրը եղել է հայտնի պատմաբան Ն․Ն․Կարեևը։ Կրթությունը Ելենան ստացել է Շաֆֆեի գիմնազիայում և մասնակցել Բեստուժևյան կանանց դասընթացներին։ 1917-1922 թվականներին ապրել է Սմոլենսկի մոտակայքում գտնվող գյուղում, որտեղ աշխատել է որպես ուսուցչուհի և գրադարանավարուհի։ Այնուհետև նա վերադարձել է Պետրոգրադ։ 1923 թվականից Ս.Յա.Մարշակի ղեկավարությամբ ակտիվ մասնակցել է «մանկագիրների խմբակում»։
Տպագրել սկսել է 1910 թվականին, երբ «Այրատ» ամսագիրը հրապարակել է նրա առաջին բանաստեղծությունը «Կիսաստվերներ․․․կիսաձայներ»։ 1920 թվականներին նրա պատմությունները և բանաստեղծությունները տպագրվել են հայտնի մանկական ամսագրերում «Ազնվասարեկ», «Ոզնի», «Պիոներ» և «Կրակ», օրինակ «Հնդկահավ», «Ժուրկան և Շուրկան»։ Շուտով սկսեց գրել ավելի մեծ աշխատություններ երեխաների համար։ Մինչև պատերազմը նա գրել է «Սերյոժկան գյուղում»(1925թ․), «Բակի Պաշկան»(1929թ․), «Բեսիկ»(հետագայում հրատարակվել է «Տատիկի գաթան» անվան տակ), «Հեղափոխական Տանյան» վիպակները։ Պատերազմից հետո մեծ ճանաչում են ստացել նրա «Երեք աղջիկները» գիրքը, «Երեք դիմանկար» պատմությունը, «Հիշարժան օր» և «Անմոռանալի օր» (1917 թվականի հեղափոխության մասին) վեպերը։ Վերեյսկայի վերջին խոշոր ստեղծագործությունները դարձան «Օտավա» (1959) և «Համայնքի թոռնուհին» (1966)։ 1966 թվականին «Մանկական գրկանություն» հրատարակչությունում հրատարակվել է Ելենա Վերեյսկայի «Սպիտակ մուշտակ» գիրքը, որի մեջ են մտել «Կարայ», «Անակնկալ», «Ճուտիկների ղեկավարը» պատմությունները։
Ընտանիք[խմբագրել | խմբագրել կոդը]
- Առաջին ամուսին - Վերեյսկի Գեորգի Սեմյոնովիչ (1886-1962), գրաֆիկական նկարիչ և գեղանկարիչ, ԽՍՀՄ արվեստի ակադեմիայի ակադեմիկոս
- Որդի- Վերեյսկի Նիկոլայ Գեորգիևիչ (1912-1996) - երկրաբան, երկրաբանական և հանքաբանական գիտությունների թեկնածու
- Որդի-Վերեյսկի Օրեստ Գեորգիևիչ (1915-1993)-նկարիչ, գրքային գրաֆիկական նկարիչ
- Երկրորդ ամուսին - Դունաևսկի Ֆյոդոր Ռոմանովիչ - Խարկովի Համաուկրաինական ինստիտուտի հիմնադիր և տնօրեն
Գրականություն[խմբագրել | խմբագրել կոդը]
- Կալաշնիկով Վ.Ա.Վերեյսկայա // Համառոտ գրական հանրագիտարան։ T. 9. - Մ. ՝ Սովետական հանրագիտարան, 1978. - Ստլբ. 187 .
- Արեսկինա Լ․Ա․ Վերեյսկայա Ելենա Նիոլաևնա// XX դարի ռուս մանկագիրներ։ Կենսաբիբլիոգրաֆիկ բառարան։ - Մ.։ Ֆլինտա; Գիտություն, 1997. - S. 95-96: - ISBN 5-02-011304-2.
- Վախրոմեեվա Օ.Բ., մանկական գրող Ելենա Նիկոլեևնա Վերեյսկայի պատերազմական տարիների ստեղծագործական կյանքը // Հայրենական և համաշխարհային պատմության պատերազմ և խաղաղություն։ Միջազգային գիտական կոնֆերանսի նյութեր. 2 գլուխ. Նվիրվում է Հայրենական Մեծ պատերազմի հաղթանակի 75-ամյակին։ Սանկտ պետերբուրգ, 2020, էջ 75-84
Արտաքին հղումներ[խմբագրել | խմբագրել կոդը]