Դժոխքը երկրի վրա

Դժոխքը երկրի վրա
Հեղինակ	Վաղինակ Բեքարյան
Տեսակ	գրական ստեղծագործություն
Թեմա	Հայոց ցեղասպանություն
Բնօրինակ լեզու	հայերեն
Էջեր	254
Կազմի հեղինակ	Արա Բեքարյան
Հրատարակիչ	Հայպետհրատ
Հրատարակման տարեթիվ	հունիսի 6, 1959
Վիքիքաղվածք	Դժոխքը երկրի վրա

Դժոխքը երկրի վրա, Վաղինակ Բեքարյանի 1959 թվականին տպագրված վեպն է^[1]։

Բովանդակություն[խմբագրել | խմբագրել կոդը]

Գրքի թեման վերցված է արևմտահայերի կյանքից։ Գործողությունները զարգանում են 1915 թվականին Նիկոմեդիայի շրջանի Նոր-Գյուղում։ Գյուղի բնակչությունը արժանանում է ողջ արևմտահայության բախտին՝ սկզբում ձերբակալում և գնդակահարում են գյուղի ականավոր մարդկանց, ապա ձեռնամուխ լինում ժողովրդի տեղահանությանը։

Սակայն գյուղի բնակչությունը, գիտակցելով իրեն վիճակված սև ճակատագիրը, նախընտրում է մահանալ զենքը ձեռքին և մի քանի հանդուգն հայրենասերների ղեկավարությամբ զենք է բարձրացնում ու չի ենթարկվում տեղահանման հրամանին։

Հայերը դիմադրում և հերոսաբար պայքարում են։ Դաժան և անհավասար պայքարում կործանվում է Նոր-Գյուղը։ Փոքրաթիվ ազատվողների մեջ է լինում ինքնապաշտպանության ղեկավարներից մեկը՝ գրքի հերոս Զորենը, որը լեռ է բարձրանում և շարունակում պայքարը։ Նա կարողանում է պատժել գյուղի կործանման գլխավոր պատասխանատուներին^[2]։