Գևորգ Զոհրաբյան
- Վիքիպեդիայում կան հոդվածներ Զոհրաբյան ազգանունով այլ մարդկանց մասին։
Ծնվել է | 1913 |
---|---|
Ծննդավայր | Երևան, Կովկասի փոխարքայություն, Ռուսական կայսրություն |
Ազգություն | հայ |
Կրթություն | Երևանի Մխիթար Հերացու անվան Պետական Բժշկական Համալսարան (1936) |
Մասնագիտություն | բժիշկ |
Աշխատավայր | Երևանի Մխիթար Հերացու անվան Պետական Բժշկական Համալսարան |
Գևորգ Գեղամի Զոհրաբյան (1913 - ), հայ բժիշկ։
Կենսագրություն
[խմբագրել | խմբագրել կոդը]Հայրը մահացել է 1920 թվականին, մայրը աշխատել է Երևանի պահածոների գործարանում։ Գևորգը 1928 թվականին աշխատել է «Ժողտան» (ներկայիս օպերայի և բալետի պետական ակադեմիական թատրոն) շենքի շինարարությունում։ 1931 թվականին գործուղվել է Երևանի բժշկական ինստիտուտ։ Ուսմանը զուգահեռ աշխատել է, բարձր կուրսերում սովորելիս բուժակ է եղել յայլաղներում ու պիոներական ճամբարներում։ 1936 թվականին ավարտել է ինստիտուտը, նշանակվել Հրազդանի բուժարանի վարիչ։ մեկ տարի հետո առողջապահության ժողկոմատի հրավերով տեղափոխվել է Երևան և նշանակվել 2-րդ հիվանդանոցում օրդինատոր։
1938-1941 թվականներին եղել է շրջանային զինկոմիսարիատի բժշկական հանձնաժողովի անդամ, 1941-1943 թվականներին՝ Երևան քաղաքի, 1943-1947 թվականներին՝ Անդրկովկասյան զինվորական օկրուգին կից բժշկական էքսպերտ հանձնաժողովի անդամ քիթ-կոկորդ-ականջ մասնագիտության գծով։ 1943-1946 թվականներին Երևանի վերականգնողական վիրաբուժության հոսպիտալում եղել է քիթ-կոկորդ-ականջի բժիշկ։
1946 թվականին Մինվոդիում մասնագիտական վերապատրաստման դասընթացներն ավարտելուց հետո 1948 թվականին Հայաստանում կազմակերպել է երկու ինհալատորիա. մեկը՝ Երևանի 1-ին պոլիկլինիկայում, մյուսը՝ Արզնիի առողջարամում։ 1958 թվականից աշխատել է երևանի 2-րդ կլինիկական հիվանդանոցում որպես բաժանմունքի վարիչ։ Չորս տասնամյակ (1938-1977) դասախոսել է Երևանի բժշկական ուսումնարանում իր մասնագիտական առարկան։
15 գիտական աշխատությունների հեղինակ է։
Պարգևատրվել է կառավարական ութ մեդալներով, ստացել բազմաթիվ շնորհակալագրեր ու պատվոգրեր[1]։
Ծանոթագրություններ
[խմբագրել | խմբագրել կոդը]- ↑ Ա. Վ. Գրիգորյան, Բ. Գ. Մելքումյան, Հայաստանի բժիշկները Մեծ հայրենականում, գիրք 2, Ե., 1987, էջ 82-84։