Գութան (բանաստեղծություն)
Գութան | |
---|---|
Տեսակ | բանաստեղծություն |
Ժանր | Բանաստեղծություն |
Ձև | բանաստեղծություն |
Հեղինակ | Հովհաննես Թումանյան |
Բնագիր լեզու | հայերեն |
Գրվել է | հայտնի չէ |
Հրատարակվել է | 1907 թվական |
Վիքիդարան | Գութան |
«Գութան», Հովհաննես Թումանյանի բանաստեղծություններից մեկը, գրության թվականը հայտնի չէ։ ՉԻ պահպանվել ինքնագիրը։ Ակունքը ժողովրդական է։
Ստեղծման պատմությունը[խմբագրել | խմբագրել կոդը]
«Գութան» բանաստեղծությունը գրելիս Թումանյանն օգտվել է Ե․ Լալայանի «Ջավախքի բուրմունքը» և Աղեք․ Մխիթարյանցի «Տաղեր ու խաղեր» ժողովածուների մեջ զետեղված հորովելներից։
Ե․ Չարենցի անվան գրականության և արվեստի թանգարանի Թումանյանի ֆոնդի № 100 ժգ-ում պահվում է մեկ սևագիր-ինքնագիր, առանց վերնագրի։ Ե․ Չարենցի անվան գրականության և արվեստի թանգարանի Թումանյանի ֆոնդի №1360-ում պահվում է Լուսաբեր դասագրքի Բ տարիի հեղինակի սեփական օրինակը, որտեղ Թումանյանը ջնջել է 17-18-րդ տողերը։ Բանաստեղծությունն առաջին անգամ տպագրվել է 1907 թվականին Լուսաբեր դասագրքի Ա տարիի 70-րդ էջում, այնուհետև՝ 1908 թվականին Լուսաբեր դասագրքի Բ տարիի 78-րդ էջում, 1909 թվականին Լուսաբեր դասագրքի Գ տարիի 99-րդ էջում, ապա՝ 1940-1959 թվականներին գիտական հրատարակության 6 հատորով լույս տեսած Հովհաննես Թումանյանի երկերի ժողովածուի 1-ին հատորի 240-րդ էջում[1]։
«Գութան» ստեղծագործությունն արտատպվում է Լուսաբեր դասագրքի Ա տարիից։
Ծանոթագրություններ[խմբագրել | խմբագրել կոդը]
- ↑ Երկերի Լիակատար Ժողովածու, Բանաստեղծություններ, Առաջին հատոր. Երևան: «ՀՍՍՀ ԳԱԱ Մ․ Աբեղյանի անվան գրականության ինստիտուտ». 1988. էջ 616.