Գնել (անձնանուն)
Գնել Գնել | |
---|---|
Տեսակ | արական անձնանուն |
Սեռ | արական |
Ծագում | |
Ծագման լեզու | հայերեն |
Գիր | Հայոց գրեր |
Կապված հոդվածներ | «Գնել» սկսվող էջեր |
Գնել, հայկական արական անուն։ Առաջացել է հայերեն գնել բառից[1]։
Գործածություններ[խմբագրել | խմբագրել կոդը]
- Գնել Գնունի, Տիգրան Մեծի տակառապետը, ով Բարզափրան սպարապետի հրամանով գնաց առավ Երուսաղեմը[2]։
- Գնել Գնունի, Գնել Արշակունու մորական պապը (Արշակ Բ-ի եղբորորդու)[3]։
- Գնել եպիսկոպոս Մելետենվոյ, Ներսես Մեծի շքախմբի անդամներից մեկը, երբ վերջինս 353 թվականին գնում էր Կեսարիա՝ կաթողիկոս օծվելու[4]։
- Գնել Արշակունի, Արշակ Բ-ի եղբոր՝ Տրդատի որդին, ով պատանդ ուղարկվեց Բյուզանդիա։
- Գնել, նահապետ Գնունյաց, այն նախարարներից մեկը, ով 364 թվականին Ներսեսի հետ դեսպան գնաց Վաղես կայսեր մոտ[5]։
- Գնել, նահապետ Անձևացյաց և Պապի արևելյան բանակի սպարապետ։ Որպես սահմանապահ Դղակ մարդպետի հետ էր և նրա ապստամբությունը հայտնեց Պապին[6]։
- Գնել, Գնունյաց տեր, ով ստորագրում է այն թուղթը, որը Բաբկեն կաթողիկոսը (490-516) ուղարկեց Պարսկաստանի ուղղափառ ասորիներին[7]։
- Գնեալ, իշխան Գնունի, անդամ Դուինի Բ ժողովի[8]։
- Գնել, իր ծախսով 11-րդ դարի վերջին նորոգեց Շիրակավանի քանդված եկեղեցին[9]։