Գենադի Ավլասենկո

Վիքիպեդիայից՝ ազատ հանրագիտարանից
Jump to navigation Jump to search
Գենադի Ավլասենկո
Ծնվել էօգոստոսի 16, 1955(1955-08-16) (63 տարեկան)
ԾննդավայրLipavyets, Ushachy District, Վիտեբսկի մարզ, Բելառուսի Խորհրդային Սոցիալիստական Հանրապետություն, ԽՍՀՄ
Մասնագիտությունբանաստեղծ, դրամատուրգ և գրող
Լեզուբելառուսերեն
ՔաղաքացիությունԲելառուս Բելառուս
ԿրթությունBelarusian State University Faculty of Biology?
Կայքaulasenka.ho.ua

Գենադի Ավլասենկո (բելառուս․՝ Генадзь Пятровіч Аўласенка, 16 օգոստոսի, 1955, Լիպովեց, Ուշաչիի շրջան, Վիտեբսկի մարզ, Բելառուսական ԽՍՀ), բելառուս խորհրդային գրող, բանաստեղծ և դրամատուրգ։

Կենսագրություն[խմբագրել | խմբագրել կոդը]

Ավարտել է Բելառուսիայի պետական համալսարանի կենսաբանության ֆակուլտետը՝ ստանալով կենսաբանի, քիմիայի և կենսաբանության ուսուցչի մասնագիտություն։ Որոշ ժամանակ ապրել և աշխատել է Յակուտիայում և Անդրբայկալյան երկրամասում։ 1984 թվականից ապրում է Մինսկ շրջանի Չերվեն քաղաքում։ Այժմ աշխատում է որպես քիմիայի և կենսաբանության ուսուցիչ։ Ամուսնացած է։ Ունի երկու երեխա։ 1999 թվականից հանդիսանում է Բելառուս գրողների միության անդամ։

Գրականությամբ սկսել է զբաղվել բավականին ուշ՝ 80-ականների վերջերից։ Սկզբում գրել է բանաստեղծություններ ռուսերեն և բելառուսերեն։ Այդ ժամանակ գրված բանաստեղծությունները առաջին անգամ մտել են (դեռևս միակն են) «Ժամանակն է հավաքել քարերը» (բելառուս․՝ «Час збіраць камяні») բանաստեղծական ժողովածուի մեջ, որը հրատարակվել է «Մաստացկայա լիտերատուրա» (բելառուս․՝ «Мастацкая літаратура») հրատարակչությունում 2003 թվականին։

Ամենաառաջին պիեսը՝ «Կոլոբոկի նոր արկածները», դրամատուրգիայի հանրապետական առաջին մրցույթում (1995 թվական) զբաղեցրել է 3-րդ տեղը մանկական թատրոնի համար նախատեսված պիեսնեի շարքում։ Հաջորդ նմանատիպ մրցույթում «Ձնեմարդը և Գարունը» պիեսը զբաղեցրել է երրորդ տեղը, բայց որպես տիկնիկային թատրոնի պիես։ Ավելի բեղուն էր 3-րդ մրցույթը, երբ մրցանակներ ստացան նրա 3 պիեսներ (տարբեր անվանակարգերում)՝ երկուսը մանկական և մեկը՝ մեծերի համար։ 1994-2000 թվականներին գրվել են մոտավորապես 20 պիեսներ՝ մեծերի և փոքրերի համար։

Այնուհետև Գենադի Ավլասենկոն սկսել է գրել արձակ ստեղծագործություններ։ Սկզբում դրանք հեքիաթներ էին, որոնք տպագրվել են «Վեսյոլկե», «Բերյոզկե», «Լեսովիչկե» և այլ մանկական թերթերում։ Հետագայում այդ հեքիաթներից ոմանք մտան հեքիաթների հավաքածուի մեջ՝ «Янтарные бусины» և «Башня мира», որոնք հրատարակվեցին «Մաստացկայա լիտերատուրա» հրատարակչությունում համապատասխանաբար 2006 և 2007 թվականներին։ Իսկ «Літаратура і Мастацтва» հրատարակչությունում միևնույն ժամանակ հրատարակվեցին «Հեքիաթների և բանաստեղծությունների կարմիր գիրք», «Հեքիաթների և բանաստեղծությունների անտառային գիրք» և «Հեքիաթների և բանաստեղծությունների կապույտ գիրք» հեքիաթների հավաքածուները, որտեղ բացի այլ հեղինակների ստեղծագործությունները առկա էին նաև Գենադի Ավլասենկոյի ստեղծագործությունները։

Երեխաների համար հեքիաթների հետ մեկտեղ նա գրել է նաև մեծերի համար հեքիաթներ՝ տարբեր թեմաներով, իրականության և ֆանտաստիկայի սահմանում։ Հաջորդ քայլը ֆանտաստիկական վեպերն էին։ Նրանցից մեկը՝ «Բարսումի վայրի կատուներ»-ը, մի քանի հեքիաթների հետ մեկտեղ հրապարակվել են «Խարվեստ» հրատարակչությունում՝ 2009 թվականին։ 2011 թվականին այդ նույն հրատարակչությունում լույս է տեսել «Սև անտառի գերիները» ֆանտաստիկ վեպը։

2009-2012 թվականներին «Գրականություն և արվեստ» հրատարակչությունում լույս են տեսել երեխաների համար գրքեր «Զարմանալի արկածներ օդափոխիչից դուրս եկած փոքրիկ Քամու մասին » (ռուս.՝ «Удивительные приключения маленького Ветерка из Вентилятора»), «Օդափոխիչից դուրս եկած Քամու նոր արկածները» (ռուս.՝ «Новые приключения Ветерка из Вентилятора») և «Քամին և տիկին Ձմեռը»։

Մատենագրություն[խմբագրել | խմբագրել կոդը]

  • Час збіраць камяні։ Вершы, паэмы. Мінск. 2003. 86 с.
  • История вместо математики. Мистический триллер. Минск. 2008. 190 c.
  • Удивительные приключения маленького Ветерка из Вентилятора. Сказка. Минск։ 2009. 125 с.
  • Вася Лайдачкін у краіне Шкодных Звычак. Казачная аповесць. Мінск. 2009. 58 c.
  • Дзікія кошкі Барсума. Мінск։ 2009. 383 с.
  • Новые приключения маленького Ветерка из Вентилятора. Сказка. Минск. 2010. 140 с.
  • Азы вершаскладання. Дапаможнік для пачынаючых паэтаў. Мінск։ 2011. 163 с.
  • Пленники Чёрного леса. Минск։ 2011. 384 с.
  • Ветерок и госпожа Зима. Минск։ 2012. 136 с.

Գրականություն[խմբագրել | խմբագրել կոդը]

  • Аўласенка Генадзь // Памяць։ Гісторыка-дакументальная хроніка Ушацкага раёна. Мінск, 2003. С. 544.
  • Урбан І. Першая кніга [«Час збіраць камяні»] // Патрыёт. Ушачы. 30 ліпеня 2003.