Բուլտերիեր
| Բուլտերիեր | |
|---|---|
 | |
| Տեսակ | շան ցեղատեսակ |
| Մականուններ | բուլլի, գլադիատոր, անգլիական բուլտերիեր |
| Բնաշխարհ | .svg){kind=small} Մեծ Բրիտանիա |
| Առանձնահատկություններ | |
| Զանգված | Արու 22–38 կգ |
| Հասակ | Արու 45–55 սմ |
| Մորթի | կարճ, խիտ |
| Գույն | Սպիտակ, խայտաբղետ և սպիտակ, դեղնա-շագանակագույն, սև ու սպիտակ |
| Դասակարգում և տեսականմուշ | |
| Շուն (Canis lupus familiaris) | |
Բուլտերիեր, շան ցեղատեսակ, որը պատկանում է տերիերների ցեղատեսակին։ Կա նաև այս տեսակի «մինի» տարբերակը, որին անվանում են փոքր բուլտերիեր։
Ցեղատեսակի պատմություն[խմբագրել | խմբագրել կոդը]
19-րդ դարի 50-ական թվականներին Ջեյմս Հինքսը՝ Բիրմինգհեմից, սկսեց նոր ցեղատեսակի ստեղծումը՝ սպիտակ բուլ տերիերը։ Արդյունքը ստացվեց երկար տարիների տարբեր ցեղատեսակների խաչասերումից, որտեղ բացի անգլիական բուլդոգից և անգլիական սպիտակ տերիերից, մասնակցել է նաև դալմատինը։ Ջեյմս Հինքսը առաջին անգամ սպիտակ բուլտերյերին ներկայացրեց 1862 թվականի շների ցուցահանդեսին։
Ցեղատեսակի բնութագրեր[խմբագրել | խմբագրել կոդը]
Ընդհանուր տեսք[խմբագրել | խմբագրել կոդը]
Բուլտերիերը կառուցված է պինդ և ներդաշնակ, մկանուտ, արագաշարժ, վճռական և խելացի աչքերի արտահայտությամբ։ Շունն ունի զվարթ բնավորություն, հնարավոր է սովորեցնել կարգապահության։
Ցեղատեսակի ստանդարտներ[խմբագրել | խմբագրել կոդը]
Բուլտերիեր՝ շուն, որն ունի մկանուտ և ուժեղ մարմնակազմություն, ճկուն շարժուներով և բավականին թեթև վազք[1]։
Գլուխը երկար է, ուժեղ, գտնվում է ներքևում, բայց չունի կոպիտ տեսք, կողքից նայելու դեպքում գլուխը պետք է ունենա ձվի տեսք, առանց որևէ անհարթությունների։ Վերևի մասը համարյա լիովին հարթ է, քթածակերը բաց են և վառ արտահայտված։ Ներքևի ծնոտը շատ ուժեղ է։ Ատամները պետք է լինեն սպիտակ, ամուր և առողջ, պետք է ունենան մկրատանման ատամնաշար։
Աչքերը նեղ են և միամյանց մոտիկ, գտնվում են գանգի խորը մասում, ունեն եռանկյան տեսք։ Ըստ ստանդարտի, պետք է լինեն մուգ շագանակագույն։
Ականջները փոքր են և բարակ, գտնվում են իրար բավականին մոտիկ։ Դրանք պետք է լինեն ուղիղ։
Վերջույթները պետք է լինեն պինդ, մկանուտ։
Իրանը կլորավուն է, կուրծքը խորն է և ավելի մոտ է գտնվում գետնին քան փորը, ուսերը՝ դուրս ցցված։ Մեջքը պինդ է և կարճ։ Եթե կենդանուն նայենք դիմացից, ապա կտեսնենք, որ կրծքվանդակը բավականին լայն է, իսկ մկաններն արտահայտված։
Գունավորումը սպիտակ է և գունավոր։ Եթե շունը սպիտակ է, ապա այն պետք է լինի մաքուր սպիտակ, գլխին թույլատրելի են գունավոր պտեր։ Կաշվի պիգմենտը կարող է լինել գունավոր, սակայն չպետք է տարբերվի, կամ երևա աչքին։
Պոչը բուլ տերյերի մոտ գտնվում է ներքևի մասում։ Այն կարճ է։
Ծանոթագրություններ[խմբագրել | խմբագրել կոդը]
- ↑ «Стандарт МКФ № 359 от 23.12.2011»։ Արխիվացված է օրիգինալից 2014-07-06-ին։ Վերցված է 2016-10-29
Գրականություն[խմբագրել | խմբագրել կոդը]
- Безобразов С. В. (1890–1907)։ «Буль-терьер»։ Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ)։ Սանկտ Պետերբուրգ
- А. Фалкон Бультерьер // Мой друг собака : Журнал. — М.: ООО «Издательство Энимал Пресс», 2012. — № 7. — С. 24.
- Эрнест С. Томпсон // Снап : История одного бультерьера