Բոյուքդուզ (դաշտ)

Անվան այլ կիրառումների համար տե՛ս՝ Բոյուքդուզ (այլ կիրառումներ)

Բոյուքդուզ, դաշտ Հայկական լեռնաշխարհում, Արաքսի ձախ ափին, Երևան-Նախիջևան երկաթագծի և խճուղու երկայնքով մինչև Նախիջևան քաղաքի մոտերքը։ Ոռոգելի ջրի պակասության և հողի աղակալած լինելու պատճառով մեծ մասով անմշակ է։ Վերջին տասնամյակներում մեծ աշխատանք է տարվում Բոյուքդուզի հողերը արհեստական ոռոգմամբ և մելիորացիայի միջոցով յուրացնելու ուղղությամբ։ Այստեղ, Արաքսի վրա կառուցված է Նախիջևանի լիճը, որի ջրերը լայնորեն օգտագործվելու են ոռոգման համար։ Այժմ արդեն ստեղծվել են մի քանի պետական տնտեսություններ, որոնք հաջողությամբ մշակում են խաղող, պտուղ-բանջարեղեն, զբաղվում անասնապահությամբ։