Բեսորայի ամրոց

Վիքիպեդիայից՝ ազատ հանրագիտարանից
Jump to navigation Jump to search
Coa Illustration Elements Building Castle.svg
Բեսորայի ամրոց
Castillo de Besora
CASTELL DE BESORA - NAVES - IB3.JPG
Տեսակդղյակ
Վարչական միավորBesora?[1]
ԵրկիրFlag of Spain.svg Իսպանիա[1]
Commons-logo.svg Castell de Besora (Solsonès) Վիքիպահեստում

Բեսորայի ամրոց (իսպ.՝ Castillo de Besora), ամրոց Վալ դե Լորդում, Իսպանիայի Կատալոնիա համայնքի Լլեյդա քաղաքի Սանտա Մարիա դե Բեսորա մունիցիպալիտետում՝ Նավես և Սեռա դե Բուսա մունիցիպալիտետների միջև։

Ամրոցը կառուցվել է 1092 մետր բարձրությամբ ժայռի վրա, որի մուտքն ապահովել է հյուսիսային կողմից բարձրացող միակ ճանապարհը[2]։ Կառուցված է երեք երկարաձիգ շինություններից, որոնք ներկայումս դարձել են տեղական ոճի գյուղական կացարաններ։

Պատմություն[խմբագրել | խմբագրել կոդը]

Պատմական աղբյուրներում ամրոցն առաջին անգամ հիշատակվել է 982 թվականին, որոշ աղբյուրներում՝ 885 թվականին[3][4]։ 875 թվականին արդեն ամրոցի մասին կա հիշատակում՝ որպես Բարսելոնայի կոմս Վիֆրեդ I-ի դստեր Էմմայի օժիտ, ընծա, երբ նա մուտք է գործել Սան Ժոան դե լես Աբադեսեսի վանական համալիր[2]։

Մուսուլմանական ժամանակաշրջանում ամրոցն օգտագործվել է քրիստոնեական տարածքների սահմանները դիտելու համար։

Իններորդ դարի վերջում Վիֆրեդ I-ը Կարդոնայում, Օսոնայում, Բերգեդայում և Վալ դե Լորդում ստեղծել է ռազմական դիրքեր։ Հնարավոր է, որ այդ ժամանակաշրջանում երկրի սահմանը գտնվել է Սոլսոնա քաղաքի հյուսիսում։

Ամրոցի պատերը պահպանվել են որպես բնակելի տարածք[4]։ Հին ծխական Սանտա Մարիա դե Բեսորայի եկեղեցին կառուցվել է 1759 թվականին։ 15-րդ դարում Լոս Ռեմենսաս ճակատամարտում ամրոցը բազմիցս գրավվել է Ֆրանսեսկ դե Վերնտայի կողմից[5]։

1838 թվականին առաջին կառլիստական պատերազմի ժամանակ ամրոցը զգալի ավերվել է[4], երբ եղել է ապաստան և կառլիստական ուժերի ճակատամարտի վայր[6]։ Ավելի ուշ միապետության առաջնորդ Բուենավենտուրա Կարբոն, ով հետագայում եղել է Կուբայի գաղութային կառավարիչ, ստիպված է եղել հեռանալ ամրոցից ու եկեղեցուց[5]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]