Բելորեցկի մետալուրգիական կոմբինատ
Բելորեցկի մետալուրգիական կոմբինատ | |
---|---|
Տեսակ | բաց բաժնետիրական ընկերություն |
Հիմնադրված է | 1762 |
Վայր | Բելորեցկ, Բաշկորտոստան, Ռուսաստան |
Արդյունաբերություն | մետաղագործություն |
Հասույթ | 87,2 մլն $ (1994)[1] |
Աշխատողների թիվ | 6000 մարդ |
Մայր ընկերություն | Mechel? |
Կայք | mechel.ru/sector/steel/bmk/ |
Beloretsk Metal Works Վիքիպահեստում |
Բելորեցկի մետալուրգիական կոմբինատ (ԲՄԳ), մետալուրգիական կոմբինատ Բաշկորտոստանի Հանրապետության Բելորեցկ քաղաքում, մետաղական արտադրանք թողարկող Ռուսաստանի Դաշնության ձեռնարկություն։ ԲՄԳ-ում արտադրված ապրանքների շարքը ներառում է մետաղալար, պողպատի որակյալ տեսակներից՝ ածխածնային, խառնուրդային և չժանգոտվող, պողպատե մետաղալար, առանց ծածկույթների և ցինկապատ տարբեր կոնստրուկցիաների մալուխներ,, տարբեր չափերի և հատման ժապավեններ, մեխեր, ցանցեր։
2003 թվականից մտնում է հանքարդյունաբերական և մետալուրգիական ճյուղերի աշխարհի առաջատար ընկերություններից մեկի՝ Մեչել ԲԲԸ-ի կազմի մեջ։
Գլխադասային գրասենյակը գտնվում է Բելորեցկում, ՌԴ, 453500, Բլյուխերի փողոց, տ. 1:
Ղեկավարություն. Գլխավոր տնօրեն Վ.Գ. Կամելին։
Աշխատողների քանակ. 5617 մարդ։
Գործարանի կազմը. արտադրության արտադրամասերի համալիր՝ գլանվածքային, պողպատամետաղալարային և մալուխային, ինչպես նաև օժանդակ սարքավորում։
Գործարանում գործում են մանրաթելային, մանածագործական և մալուխային մեքենաներ, ջերմատեխնիկական և ջերմահաղորդիչ ագրեգատներ, մեխ արտադրող հաստոցներ, մեքենայացված և ավտոմատացված հոսքագծեր և թվային ծրագրավորման կառավարմամբ մետաղահատ հաստոցներ։ 1980 թվականին մեկնարկել է շարունակական մետաղալարային հաստոցով ավտոմատացված գլանվածքային արտադրամասը։
18-19-րդ դարերում գործարանի տարածքում կառուցված շենքերի համալիրը դաշնային նշանակության ճարտարապետության հուշարձան է (այն ընդգրկված է Ռուսաստանի Դաշնության մշակութային ժառանգության օբյեկտների ցուցակում, 0300368000 համարի տակ [1]):
Գործունեություն[խմբագրել | խմբագրել կոդը]
«ԲՄԿ» ԲԲԸ-նՌուսաստանում մետաղե իրեր արտադրող ընկերությունների մեջ առաջատար է արտադրանքի իրացման ծավալներով։
Ապրանքատեսակն ընդգրկում է պողպատի բարձրորակ տեսակներից պատրաստված գլանվածք և պողպատե մետաղալարեր՝ ածխածնային, խառնուրդով և չժանգոտվող, տարբեր կառույցների չժանգոտվող պողպատե ժապավեններ, առանց ծածկույթների և ցինկապատման, տարբեր չափերի և հատվածների ժապավեն, մեխեր։ Գործարանը Ռուսաստանում միակ ձեռնարկությունն է, որտեղ արտադրվում են մինչև 0.009 մմ տրամագծով միկրոմետաղալարեր։ ԲՄԿ-ի արտադրանքը պահանջված է գրեթե բոլոր ոլորտներում՝ վառելիքաէներգետիկ, մեքենաշինական, շինարարության, ինչպես նաև ռազմարդյունաբերական համալիրում։
Ողջ պատմության ընթացքում ԲՄԿ-ն նոր տեխնոլոգիաների ոլորտում հայրենական ռահվիրա էր։ Այստեղ են առաջին անգամ երկրում յուրացվել այնպիսի գործընթացներ, ինչպես տաք ցինկապատումը, մանված մետաղալարի կոփումը և թողարկումը, լիսեռային մետաղալարի մաքրումը, հաջողությամբ յուրացրել են ավտոմոբիլային արդյունաբերության համար զսպանակային մետաղալարի, միկրոմետաղալարերի, պողպատե մալուխների, այդ թվում՝ ավիա և հրթիռաշինության արտադրությունը։
Այսօր ԲՄԿ-ն իրականացնում է ներմուծման արտադրատեսակներին փոխարինող ապրանքների արտադրության համար նոր ներդրումային ծրագիր՝ բազմաշերտ ժապավեններ 6-ից 12 շերտերի քանակով և 22-ից 90 մմ տրամագծով, այդ թվում` պոլիմերային ծածկույթով։ Նախագիծը ստացել է պետական աջակցություն՝ ի դեմս Ռուսաստանի Դաշնության Արդյունաբերության զարգացման հիմնադրամի և ներառված է Բաշկորստանի Հանրապետության առաջնահերթ ներդրումային ծրագրերի շարքում։ Ծրագիրը թույլ կտա ԲՄԿ-ին ստեղծել ավելի քան 60 նոր աշխատատեղ և արտադրել մալուխային ապրանքներ, որոնք նմանը չունեն Ռուսաստանում։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
Գրականություն[խմբագրել | խմբագրել կոդը]
- Башкирская энциклопедия. Гл. ред. М. А. Ильгамов т. 1. А-Б. 2005. — 624 с.; ISBN 5-88185-053-X. науч.. изд. Башкирская энциклопедия, г. Уфа.
- Старостин А. «Стальные нити времен» История БМК. Мечел. 256с. Екатеринбург. 2012 г.
Արտաքին հղումներ[խմբագրել | խմբագրել կոդը]
- Официальный сайт Արխիվացված 2013-09-19 Wayback Machine
- Белорецкий металлургический комбинат - История Արխիվացված 2019-03-28 Wayback Machine
- [2]
- [3]
- [4] Արխիվացված 2012-08-19 Wayback Machine
- [5] (видео)
- Белорецкий металлургический комбинат(չաշխատող հղում) // Башкирская энциклопедия