Բացված գիրք (հուշարձան)

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
«Բացված գիրք» հուշարձան
Կոորդինատներ59°56′20.612″ հս․ լ. 30°17′54.845″ ավ. ե. / 59.93905889° հս․. լ. 30.29856806° ավ. ե. / 59.93905889; 30.29856806Կոորդինատներ: 59°56′20.612″ հս․ լ. 30°17′54.845″ ավ. ե. / 59.93905889° հս․. լ. 30.29856806° ավ. ե. / 59.93905889; 30.29856806
Գտնվում էՌուսաստան Ռուսաստան
Սանկտ Պետերբուրգ
Կառուցվել է2002
Շինության ձևըՀուշանշան
Կառուցել էԷվելինա Սոլովյովա
Օլեգ Ռոմանով
Աբրամ Ռասկին
Ներկա վիճակըԿանգուն

«Բացված գիրք» հուշարձան (ռուս.՝ Памятник «Раскрытая книга»), հուշանշան Ռուսաստանի Դաշնության Սանկտ Պետերբուրգ քաղաքի Համալսարանի առափնյա փողոցում, Սանկտ Պետերբուրգի պետական համալսարանի շենքի դիմաց։ Հուշարձանի մյուս անվանումն է «Ուղերձ դարերի միջով» (ռուս.՝ «Послание через века»)։ Հուշարձանի հանդիսավոր բացումը տեղի է ունեցել 2002 թվականի հոկտեմբերի 25-ին, քաղաքի 300-ամյա հոբելյանի և Վասիլիի կղզու շրջանի 265-ամյակի տոնակատարությունների նախօրեին[1]։

Հեղինակներ[խմբագրել | խմբագրել կոդը]

Հուշարձանի նախագծի հեղինակներն են Ռուսաստանի նկարիչների միության վարչության անդամ Էվելինա Սոլովյովան, ճարտարապետ Օլեգ Ռոմանովը, արվեստաբան Աբրամ Ռասկինը[2] և «Վերածնունդ» արտադրական միավորումը։

Արտաքին տեսք[խմբագրել | խմբագրել կոդը]

Հուշարձանը պատրաստված է գորշ գրանիտից 365х240х90 սմ չափերի բացված գրքի տեսքով, որի էջերին փորագրված է հատված Ալեքսանդր Պուշկինի «Պղնձե հեծյալ» պոեմից։ Մեջբերման վերջում բանաստեղծի ստորագրությունն է[2]։ Քաղաքում շատ բաներ են կապված Պուշկինի հետ։ Գիրքը պատահականորեն չէ բացված. այն նման է երկխոսության հրավերի[3]։

Գիրքն առանց պատվանդանի է, ինչը հուշարձանը դարձնում է մոտ և մատչելի։ Հուշարձանը պատրաստված է գրանիտից, որը շատ ամուր նյութ է։ Քարի ընտրությունը պատահական չէ. Սանկտ Պետերբուրգի եղանակային պայմանները յուրահատուկ են, իսկ գրանիտի հատկություններն այնքան բացառիկ են, որ հուշարձանը կգոյատևի առնվազն 500 տարի[3]։

Գաղափարի հեղինակ արվեստաբան Ա. Գ. Ռասկինը կարծում է, որ այս հուշարձանը Նևայի ափերին կանգնած քաղաքին շատ համապատասխան է։ Գիրքը խորհրդանշում է բարձր մշակույթը, գիտելիքները և իմաստությունը։ Այս բոլոր հատկությունները բնորոշ են Ռուսաստանի մշակութային մայրաքաղաք Սանկտ Պետերբուրգին։ Հենց այդ պատճառով հուշարձանն ընտրվել է որպես նվեր քաղաքի 300-ամյակին[2]։

Ծանոթագրություններ[խմբագրել | խմբագրել կոդը]