Արքայադուստրը և Վիշապը (մուլտֆիլմ)
Տեսակ | կինոնկար |
---|---|
Ժանր | ֆենթեզի ֆիլմ |
Հնչյունավորում | Անի Լորակ և Eliza Martirosova? |
Երկիր | Ռուսաստան |
Լեզու | ռուսերեն |
Դիստրիբյուտոր | ADS Service[1] |
Տևողություն | 70 րոպե |
Թվական | օգոստոսի 23, 2018 և հունիսի 27, 2019[1] |
Արքյադուստրը և Վիշապը (մուլտֆիլմ), ռուսական լիամետրաժ անիմացիոն ֆիլմ, որը ստեղծվել է «Լիցենզիոն ապրանքանիշեր»[2] ՍՊԸ ընկերության կողմից «Ֆիլմերի ֆոնդ»ի պետական ֆինանսական աջակցությամբ։
Սյուժե[խմբագրել | խմբագրել կոդը]
Մի թագավորությունում ապրում էր արքայադուստր Վարվառան։ Նրա հայրը թագավոր Ալիստերն էր, իսկ մայրը՝ թագուհի Աննան, որը մի անգամ խորհրդավոր կերպով անհետանում է, և ոչ ոք չի իմանում, թե որտեղ է նա։ Մինչ թագավորը հուսահատ զբաղված էր թագուհու որոնումներով, արքայադուստր Վարվառայի դաստիարակությամբ զբաղվում էր թագավորի խորհրդականը՝ Բալթազարը։ Երբ լրանում է Վարվառայի յոթ տարին, նա գտնում է կախարդական գիրք, որը նրան տեղափոխում է Հեքիաթային աշխարհ։ Այնտեղ նա ծանոթանում է փոքրիկ Դրակոշայի և այս աշխարհի մյուս բնակիչների հետ։ Հեքիաթային աշխարհում ճանապարհորդության ընթացքում Վարվառան գտնում է մոգական հայելի, որի օգնությամբ նա կարողանում է շփվել այդ երկրի մյուս մարդկանց հետ։ Երբ Վարվառան վերադառնում է իր աշխարհ, հիշում է, որ Բալթազարը նույնպես ունի նմանատիպ հայելի։ Նա որոշում է աննկատ մտնել Բալթազարի սենյակ՝ հույս ունենալով, որ հայելու օգնությամբ կկարողանա գտնել իր մորը։ Բայց Բալթազարը իր հայելին թաքցրել էր նկուղում։ Այդ ժամանակ Վարվառան վարադառնում է Հեքիաթային աշխարհ և խնդրում Դրակոշային օգնել իրեն։ Նրանք միասին վերադառնում են Վարվառայի ամրոց և գտնում են Բալթազարի մոգական հայելին։ Վարվառան հնարավորություն է ստանում խոսել իր կախարդված մոր հետ, որը խոստանում է անպայման վերադառնալ նրա մոտ․․․
Գործող անձիք[խմբագրել | խմբագրել կոդը]
- Արքայադուստր Վարվառա — փոքր Վարվառան ապրում է պալատում իր հոր՝ թագավոր Ալիստերի հետ։ Վարվառան աշխույժ և հետաքրքրքսեր աղջիկ է՝ բացառիկ երևակայությամբ օժտված։
- Թագուհի Աննա — Վարվառայի մայրը։ Հրաշագործ՝ անհետացած անհասկանալի պայմաններում։
- Թագավոր Ալիստեր — Վարվառայի հայրը, որը տառապում է թագուհու անհետացումից հետո և իր լիազորություններն ու իշխանությունը հանձնել էր խորհրդական Բալթազարին։
- Բալթազար — թագավորի խորհրդական։ Կար ժամանակ, երբ նա շատ հզոր չար կախարդ էր, բայց ժամանակի ընթացքում թուլացել էր։ Նա երազում է իր ուժը վերադարձնելու մասին։
- Արի — Բալթազարի խորամանկ ու հիշաչար ծառան։ Պալատում բոլոր բանսարկությունների գլխավոր պատճառն է հանդիսանում։ Արին ատում է Գոլիաֆ անունով կատվին։
- Կատու Գոլիաֆ — թագուհու սիրելի կենդանին։ Նա պաշտպանում է Վարվառային և թագավորին և երազում է ուտել Արիին։
- Դրակոշա — փոքրիկ վիշապ։ Նա առաջինն էր, ում Վարվառան հանդիպեց Կախարդական աշխարհում։ Դրակոշան շատ արագ դարձավ Վարվառայի լավագույն ընկերը։
- Հորեղբայր Դրա — ճանապարհորդ, գիտնական և փիլիսոփա։ Դրակոշայի հանգիստ և խելամիտ դաստիարակը՝ անվիճարկելի հեղինակություն։
- Խելացի թզուկ — բնածին առաջնորդ։ Նրան դուր է գալիս պատասխանատու լինել ուրիշների համար։ Նա թզուկներից ամենախելամիտ է։ Ժամանակ առ ժամանակ մյուս թզուկները փորձում են ժխտել նրա հեղինակությունը, բայց արդյունքում կրկին ենթարկվում են նրան։
- Զվարճասեր թզուկ — անհանգիստ թզուկ, որ իր քիթը խոթում է բոլոր գործերի մեջ։ Նա միշտ պատրաստ է իր խորհուրդը տալ և արտահայտել իր կարծիքը ցանկացած առիթով, եթե նույնիսկ դա չի պահանջվում։
- Խորամանկ թզուկ — ամենաուրախ ու ծիծաղելի թզուկը։ Նա հաճույքով կատակում է և սիրում է հիմար կատակներ անել։ Մյուս թզուկներ նրան լուրջ չեն ընդունում, բայց դա նրան չի անհանգստացնում։
- Սակավախոս թզուկ — բոլոր թզուկներից ամենաֆլեգմատիկը։ Նա երբեք չի վիճում և փորձում է հեռու մնալ բոլոր վեճերից։
Դերերը հնչյունավորեցին[խմբագրել | խմբագրել կոդը]
- Անի Լորակ — Վարվառա
- Իրինա Կիրևա — Թագուհի Աննա
- Սերգեյ Սմիրնով — Դրակոշա
- Վասիլի Դախնենկո — Հորեղբայր Դրա
- Վասիլի Դախնենկո — Հորեղբայր Յուլիուս
- Դիոմիդ Վինոգրադով — Թագավոր Ալիստեր
- Կոնստանտին Կոժևնիկով — Բալթազար
- Դանիիլ Շեբլանով — Ծաղրածու Արի
- Դիոմիդ Վինոգրադով — Պատմող
- Լինա Իվանովա — Խելացի թզուկ
- Էլիզա Մարտիրոսովա — Զվարճասեր թզուկ
- Վարվառա Չաբան — Սակավախոս թզուկ
- Եկատերինա Վինոգրադովա — Խորամանկ թզուկ
- Դանիիլ Շեբլանով — Խոսող դուռ
Երաժշտություն[խմբագրել | խմբագրել կոդը]
Մուլտֆիլմում հնչել են հետևյալ կատարումները․
- «Դու կհավատաս հրաշքին» (սաունդթրեք), երաժշտություն՝ Ջորջո Մորոդեր, խոսքեր՝ Ի․ Կիտաև
- «Վարվառայի երգը», «Բալթազարի երգը», «Թագավորի երգը», երաժշտություն՝ Ա․ Գրիզլով, Վ․ Ռովենսկի, խոսքեր՝ Վ․ Ռովենսկի
- «Արիի երգը», երաժշտություն՝ Դ․ Դվորեցկի, Վ․ Ռովենսկի, խոսքեր՝ Վ․ Ռովենսկի
Ստեղծում[խմբագրել | խմբագրել կոդը]
- Ֆիլմը ստեղծվել է «Լիցենզավորված ապրանքանիշներ» ՍՊԸ-ի կողմից «Ֆիլմերի ֆոնդի» պետական ֆինանսական աջակցությամբ[3]։
- Ֆիլմի ստեղծումը սկսվել է 2015 թվականի հունիսին, ծրագիրը միջազգային վարձույթի է տրվել 2018 թվականի օգոստոսին։ Ֆիլմի համար մշակվել է 36 գործող անձ, մոտ 356 առարկա և 20 տեղանք։
- Ֆիլմի գլխավոր հերոսուհուն՝ Վարվառային, հնչյունավորել է ուկրաինացի երգչուհի, Ուկրաինայի ժողովրդական արտիստ Անի Լորակը։
- Հատուկ «Արքայադուստրը և վիշապը» մուլտֆիլմի համար ձայնագրվել է 1984 թվականի նկարահանված «Անվերջանալի պատմություն» կինոֆիլի երաժշտության՝ «The Never Ending Story» համաշխարհային հիթի քավեր-տարբերակ՝ գրված կոմպոզիտոր Ջորջո Մորոդերի կողմից, որը դարձել է ֆիլմի սաունդթրեքը։ Անիմացիոն ժապավենի համար երգը ձայնագրվել է միանգամից անգլերեն և ռուսերեն լեզուներով։ Երգի ռուսերեն տարբերակ ստացել է «Դու կհավատաս հրաշքին» անվանումը[4]։ Արդյունքում երգչուհի Անի Լորակը թողարկել է տեսահոլովակ «Արքայադուստրը և վիշապը» մուլտֆիլմի սաունդթրեքի հիման վրա։
- Սա ռեժիսոր Մարինա Նեֆեդովայի լիամետրաժ դեբյուտային նախագիծն է։
Ցուցադրում[խմբագրել | խմբագրել կոդը]
Ֆիլմի հանդիսավոր պրեմիերային ցուցադրումը տեղի է ունեցել 2018 թվականի օգոստոսի 19-ին[5], Ռուսաստանում ֆիլմը վարձույթի է տրվել 2018 թվականի օգոստոսի 23-ին։
Առաջին հանգստի օրերին այն հավաքել է 35,9 մլն ռուբլի՝ հանգստի օրերի հանրագումարով մտնելով Ռուսաստանի և ԱՊՀ երկրների կինովարձույթի լիդերների եռյակի մեջ[6]։
Ծանոթագրություններ[խմբագրել | խմբագրել կոդը]
- ↑ 1,0 1,1 http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
- ↑ Официальный сайт ООО «Лицензионные бренды»
- ↑ Проекты иных кинокомпаний, утвержденные Попечительским советом Фонда кино
- ↑ Ани Лорак выпустила клип на саундтрек к мультфильму «Принцесса и Дракон»
- ↑ В Москве прошла премьера мультфильма «Принцесса и Дракон»
- ↑ Итоги уикенда российского кинопроката
Արտաքին հղումներ[խմբագրել | խմբագրել կոդը]
- Ани Лорак раскрыла секрет, как стать принцессой Արխիվացված 2018-09-24 Wayback Machine
- Елена Громова — Она дружит с драконами // Киноафиша.info
- Евгений Нефёдов — Как подружиться с драконом // Иви.ру
- Роман Борисевич: В кино самодеятельности быть не должно
- Борис Гришин — Рецензия на мультфильм «Принцесса и дракон» // Афиша.ру
- Роман Борисевич: «У Российской анимации большой кредит доверия на зарубежных рынках»
- Канны 2018: Проекты Made in Russia пользуются спросом по всему миру
- Режиссер Марина Нефедова // Аниматор.ру
- «Принцесса и дракон»: как приучить детей к чтению // КМ.ру