Անչափահասները

Վիքիպեդիայից՝ ազատ հանրագիտարանից
Անչափահասները
ռուս.՝ Несовершеннолетние
Երկիր ԽՍՀՄ
Ժանրդրամա
Թվական1976
Լեզուռուսերեն
ՌեժիսորՎլադիմիր Ռոգովոյ
Սցենարի հեղինակԷդվարդ Տոպոլ
ԴերակատարներՎլադիմիր Լետենկով, Ստանիսլավ Ժդանկո և Լեոնիդ Կայուրով
ՕպերատորԻննա Զարաֆյան
ԵրաժշտությունՌաֆայիլ Խոզակ
ԿինոընկերությունՄաքսիմ Գորկու անվան կինոստուդիա
Տևողություն82 րոպե

«Անչափահասները» (ռուս.՝ «Несовершеннолетние»), խորհրդային գեղարվեստական ֆիլմ, որը նկարահանել է ռեժիսոր Վլադիմիր Ռոգովոյը[1]: Ֆիլմի պրեմիերան տեղի է ունեցել 1977 թվականի սեպտեմբերի 10-ին։ Այն եղել է 1977 թվականի խորհրդային կինովարձույթի առաջատար (44,6 մլն հանդիսատես)։

Սյուժե[խմբագրել | խմբագրել կոդը]

Միաժամանակ հայրենի քաղաք են վերադառնում երկու ընկերներ՝ Ժենյան բանակից և Կոստյան գաղութից, որտեղ պատիժ էր կրում հարբած կռվի համար։ Ընկերները հակամարտության մեջ են մտնում խուլիգանների խմբավորման հետ, որոնք գումար են վերցնում երեխաներից և կողոպտում հարբած անցորդներին։ Մի քանի քաշքշուկներից հետո Ժենյան հասկանում է, որ այդ կերպ հաջողության հասնել չի կարող, առավել ևս որ նկատում է, որ խմբավորման ազդեցության տակ է ընկնում նաև իր տասնմեկամյա զարմիկը՝ Շուրկան։

Հանդիպումներից մեկի ժամանակ Ժենյան հերթական կռվի փոխարեն տղաներին առաջարկում է միանալ բռնցքամարտի այն սեկցիային, որի մարզիչն է Կոստյան է։ Որոշ տղաներ իսկապես գնում են մարզվելու և հեռանում են խմբավորման դաստիարակված ու ցինիկ ղեկավար Գոգոլի ազդեցությունից։

Պոլինա Բորիսովնան՝ Ժենյայի մայրը, որը դպրոցում աշխատում է որպես քիմիայի և կենսաբանության ուսուցչուհի, հրաժարվում է հենց այնպես Գոգոլին երեք նշաակել քիմիայի քննությունից, որն այն ժամանակ պարտադիր էր բոլորի համար, որի արդյունքում Գոգոլը մնում է առանց հասունության վկայականի։ Բարկացած Գոգոլը ընկերների հետ քանդում է դպրոցի ջերմոցը։ Այս ջերմոցը, որը աշակերտները կառուցել են վեց տարի, շատ թանկ է Պոլինա Բորիսովնայի համար։ Ժենյան գնում է Գոգոլի մոտ, որը նրան սպառնում է սպանել կոտրված շշով։ Այնուամենայնիվ, Ժենյան, որը ծառայել է դեսանտային զորքերում, հաղթող է դուրս գալիս և Գոգոլին տանում է ոստիկանություն։

Եզրափակիչ տեսարանում միլիցիայի մայորը Ժենյային համոզում է կյանքը նվիրել երեխաների դաստիարակությանը, ինչի համար, մայորի համոզմամբ, Ժենյան տաղանդ ունի։

Դերերում[խմբագրել | խմբագրել կոդը]

Արձագանքներ[խմբագրել | խմբագրել կոդը]

«Կինոյի արվեստ» ամսագիրը «Անչափահասները» ֆիլմին տվել է բացասական գրախոսական[3]։

Այն դարձել է Խորհրդային Միության 1977 թվականի ամենահասութաբեր ֆիլմը, երբ վաճառվել է 44,6 մլն տոմս[4][5]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]